დღეს, 2013 წლის  4 მაისს, შუადღის  15:12-ზე   თბილისის დროით იერუსალიმში ზეციდან გარდამოვიდა მადლმოსილი ღვთაებრივი ცეცხლი, ანუ წმიდა ნათელი (ბერძნ. Ἅγιο Φῶς) - ცეცხლი, რომელიც სიმბოლოა ქრისტეს საფლავიდან ჭეშმარიტი ნათლის გარდამოსვლისა - ანუ აღმდგარი ქრისტესი.

კუვუკლიაში (უფლის საფლავზე აღმართულ სამლოცველოში) მართლმადიდებელ პატრიარქს  აენთო სანთლები და პატრიარქის ხელში სასწაულებრივად ანთებული  სანთლები  გადაეცა იერუსალიმში შეკრებილ მორწმუნე მართლმადიდებელ მრევლს.

კიდევ ერთხელ დაფიქსირდა უდიდესი სასწაული, რომლის მოწმეც ყოველწლიურად ასობით ადამიანია, მათ შორის ჩვენი თანამემამულენიც. ისინი სპეციალური ავიარეისით ჩამოაბრძანებენ სამშობლოში ამ ზეციურ სიწმინდეს და მათი ძალისხმევით დღეს საქართველოს ყოველ ეკლესიაში მიეგებებიან მორწმუნეები მადლმოსილ ცეცხლს.