|
როგორ აღმოჩნდა ოკუპანტი სახელმწიფოს ხელში გია ცერცვაძის სპეციალური მონაცემები? - სამეფო კლუბის განცხადება
"საქართველოს სამეფო კლუბი ეხმაურება -„აფხაზეთსა და ჩრდილო ქართლში (ცხინვალის რეგიონში) ქართველი მეომრის ვიცე-პოლკოვნიკის გია ცერცვაძის დაკავების ფაქტს, და ავრცელებს განცხადებას
"როგორც გია ცერცვაძის უკრაინელი ადვოკატი მედიასთან საუბარში აღნიშნავს, იგი დაკავებული იქნა რუსეთის მიერ გამოგონილი ცრუ ბრალდების საფუძველზე ინტერპოლის მიერ. როგორც მედიით გაჟღერდა ინფორმაცია, რუსეთს სურვილი აქვს შური იძიოს იმ ვაჟკაცი მეომრების წინააღმდეგ, რომლებიც იბრძოდნენ რუსეთის საუკუპაციო არმიის წინააღმდეგ როგორც აფხაზეთის საომარი მოვლენების დროს, ასევე 2008 წლის აგვისტოში სამაჩაბლოში რუსეთის საუკუპაციო ჯარის წინააღმდეგ და იცავდნენ თავიანთი ქვეყნის ტერიტორიულ მთლიანობას.
საქართველოს ხელისუფლებას უნდა მოეხსენებოდეს, რომ ქართველი მეომრის დაცვა პირველყოვლისა საქართველოს სახელმწიფოს ღირსების საქმეა. სხვა შემთხვევაში არც ერთ მეომარს არ ექნება იმის რეალური განცდა, რომ მათ იცავს თავის სახელმწიფო, რომ არაფერი ვთქვათ უმადურობის განცდაზე, ამასთანავე მის უკრაინელ ადვოკატი მედიასთან აჟღერებს გარკვეული კითხვებს, თუ როგორ შეიძლებოდა რუსეთის ხელში აღმოჩენილიყო გია ცერცვაძის სპეციალური მონაცემები?… იმედია ეს კითხვები საქართველოს ხელისუფლებისა და შესაბამისი სტრუქტურების დაინტერესებისა და შესწავლის საგანიც გახდება.
საქართველოს სახელმწიფოსათვის ქართველი მეომრის დაცვა, რომელიც იბრძოდა საქართველოს ტერიტორიული მთლიანობისათვის რუს ოკუპანტებთან ბრძოლაში ხელისუფლების, საზოგადოებისა და ქვეყნის ღირსების საქმეა, საქართველომ ყველაფერი უნდა გააკეთოს მისი სიცოცხლისათვის მოსალოდნელი საფრთხის ასაცილებლად და მისი საქართველოში დაბრუნებისათვის", - აღნიშნულია სამეფო კლუბის მიერ გავრცელებულ განცხადებაში. |
|
|
 17 ივლისს არის ხსენება ღირსი ანდრია რუბლიოვის - რუსი ხატმწერის. იგი დაიბადა XIV საუკუნეში. მის შესახებ მეტად მწირი ბიოგრაფიული ცნობები მოგვეპოვება. როგორც ჩანს, ნეტარი რუს დიდგვაროვანთა წრეს ეკუთვნოდა, რადგან XIV-XV საუკუნეების რუსეთში გვარებს მხოლოდ დიდებულები ატარებდნენ. ზოგიერთის ვარაუდით, წმიდანს განათლება ბიზანტიაში და ბულგარეთში უნდა მიეღო, სხვები კი ფიქრობენ, რომ იგი რუსეთშივე განისწავლა თეოფანე ბერძენის ხელმძღვანელობით. |  წმიდა ანდრია, კრეტელი მთავარეპისკოპოსი, ვისი ხსენებაც აღინიშნება 17 ივლისს, დაიბადა ქალაქ დამასკოში, კეთილმსახური ქრისტიანების ოჯახში. შვიდი წლის ასაკამდე იგი ვერ ლაპარაკობდა, მაგრამ შემდეგ, ქრისტეს წმიდა სისხლთან და ხორცთან ზიარებისას, მეტყველების უნარი მიემადლა. ამ დროიდან მოყოლებული, ყრმა გულმოდგინედ შეუდგა წმიდა წერილისა და საღვთისმეტყველო მეცნიერებების შესწავლას. თოთხმეტი წლის წმინდანმა იერუსალიმს მიაშურა და საბა განწმენდილის ლავრაში ბერად აღიკვეცა. |
| | | |
|
