|
მივესალმებით აფხაზთა კრებას
სამეფო კლუბისა და გეოპოლიტიკური მოდელირების ცენტრის სახელით მივესალმებით აფხაზთა კრების გამართვას.
წელს შესრულდა 1000 წელი ერთიანი საქართველოს მეფე გიორგი I–ის გამეფებიდამ, რომელიც უცხოურ წყაროებში ხშირად გიორგი აფხაზად მოიხსენიება.
მისი მეფობა შესანიშნავი მაგალითია იმპერიის წინააღმდეგ ბრძოლისა და მოკავშირეების ძიებისა ამ საქმეში. ბიზანტიის მიერ ბასიანს გადაღმა ქვეყნების მიტაცების გამო გიორგი მეფე დაუკავშირდა ბიზანტიის მტერს – ეგვიპტის სახელმწიფოს, ბიზანტიის მიერ დაპყრობილ ბულგარელებს და ისარგებლა მათი აჯანყებით... დაუკავშირდა ბიზანტიის სახელმწიფოში პირსისხლიანი იმპერატორის მტრებს... რათა გამოეხსნა ისტორიული ქართული მიწები "ერთმორწმუნე" დამპყრობლისგან...
მან კარგად იცოდა, რომ სახელმწიფოებს შორის მთავარი არის არა "ერთმორწმუნეობა", არამედ ერთმანეთის პატივიცემა და ტერიტორიების ხელუხლებლობა...
დღესაც, გიორგი პირველის ღირსეული შთამომავლები ატარებენ აფხაზთა კრებას, რათა მსგავსი პრობლემა გადაიჭრას, შესრულდეს ქართული სახელმწიფოსათვის უმთავრესი ამოცანა – აფხაზეთისა და ჩრდილო ქართლის დაბრუნება... ამისთვის კი აფხაზთა კრებამ კარგად განსაზღვრა მოკავშირე – მსოფლიოს დემოკრატიული თანამეგობრობა და კარგად გააცნობიერა "ერთმორწმუნე" მტრის – რუსეთის ვერაგული სახე.
აფხაზეთის ავტონომიური რესპუბლიკის მოქალაქეებს – დღევანდელ აფხაზებს. აფხაზეთის მთელი მოსახლეობის დიდ უმრავლესობას უნდა ჰყავდეს ისეთი ლეგიტიმური ხელისუფლება, რომელიც იზრუნებს სამშობლოზე, თავის დევნილ ხალხზე... და არა საკუთარ კეთილდღეობაზე...
ვუსურვებთ წარმატებას აფხაზთა კრებას!
სამეფო კლუბის სპიკერი
გია მამალაძე
|
|
|
 17 ივლისს არის ხსენება ღირსი ანდრია რუბლიოვის - რუსი ხატმწერის. იგი დაიბადა XIV საუკუნეში. მის შესახებ მეტად მწირი ბიოგრაფიული ცნობები მოგვეპოვება. როგორც ჩანს, ნეტარი რუს დიდგვაროვანთა წრეს ეკუთვნოდა, რადგან XIV-XV საუკუნეების რუსეთში გვარებს მხოლოდ დიდებულები ატარებდნენ. ზოგიერთის ვარაუდით, წმიდანს განათლება ბიზანტიაში და ბულგარეთში უნდა მიეღო, სხვები კი ფიქრობენ, რომ იგი რუსეთშივე განისწავლა თეოფანე ბერძენის ხელმძღვანელობით. |  წმიდა ანდრია, კრეტელი მთავარეპისკოპოსი, ვისი ხსენებაც აღინიშნება 17 ივლისს, დაიბადა ქალაქ დამასკოში, კეთილმსახური ქრისტიანების ოჯახში. შვიდი წლის ასაკამდე იგი ვერ ლაპარაკობდა, მაგრამ შემდეგ, ქრისტეს წმიდა სისხლთან და ხორცთან ზიარებისას, მეტყველების უნარი მიემადლა. ამ დროიდან მოყოლებული, ყრმა გულმოდგინედ შეუდგა წმიდა წერილისა და საღვთისმეტყველო მეცნიერებების შესწავლას. თოთხმეტი წლის წმინდანმა იერუსალიმს მიაშურა და საბა განწმენდილის ლავრაში ბერად აღიკვეცა. |
| | | |
|
