წმიდა გენადი ნოვგოროდელი, ვისი ხსენებაც აღესრულება 17 დეკემბერს, დაიბადა XV საუკუნის პირველ ნახევარში. სამონასტრო ცხოვრება დაიწყო ბალაამის ტაძარში. 1484 წელს ის ხდება ქალაქ ნოვგოროდის მთავარეპისკოპოსი.

წმინდანი დაუოკებლად იღვწოდა მართლმადიდებლობის სიწმინდისათვის და დიდად გაისარჯა თავისი მრევლის განსანათლებლად.  მან მოაწყო სკოლა საეკლესიო მუშაკთა მოსამზადებლად, შეადგინა პასქალია მერვე ათასწლეულის პირველი 70 წლისათვის; 1499 წლისთვის თავი მოუყარა წმიდა წერილის ყველა წიგნს ერთიან ”გენადისეულ ბიბლიაში”.

წმიდა გენადი 1505 წლის 4 დეკემბერს მშვიდობით აღესრულა.