14 სექტემბერს არის ხსენება წმიდა მოწამეთა: 40 ქალწულისა და მათი მოძღვარის - ამონა დიაკვნისა, რომლებიც მეოთხე საუკუნეში ეწამნენ.  ისინი იმპერატორ ლიკინიუსის (307-324) დროს, IV საუკუნის დასაწყისში აღესრულნენ მოწამეობრივად მაკედონიის ქალაქ ადრიანოპოლში.

მმართველმა ბაბდუსმა სასტიკი სატანჯველები დაატეხა მათ თავს, შემდეგ კი სხვა მტარვალთან გაგზავნა ჰერაკლიაში.

ქრისტეს ტარიგებმა აქაც მხნედ აღიარეს ჭეშმარიტი ღმერთი და ცრუ ღვთაებებისთვის მსხვერპლის შეწირვაზე მტკიცე უარი განაცხადეს.

ამისთვის უღმრთო ხელისუფლის ბრძანებით წმიდა ამონასა და მასთან ერთად რვა ქალწულს თავები მოჰკვეთეს, ათი დაწვეს, დანარჩენები კი მახვილებით განგმირეს.