16 (29) აგვისტოს მართლმადიდებლური ეკლესია აღნიშნავს  ღირსი ქერიმონ მეგვიპტელი (IV) ხსენების დღეს. 

ღირსი ქერიმონ მეგვიპტელი ეგვიპტის სკიტის უდაბნოში მოღვაწეობდა. მისი სახელი იხსენიება პალადიუსის „ლავსაიკონში“ და ანბანურ პატერიკში. წმიდანის მღვიმე ტაძრიდან ორმოც სტადიონის დაშორებით მდებარეობდა. ღირსი მამა ას წელს გადაცილებული მიიცვალა ხელსაქმის დროს, IV საუკუნის ბოლოს ან V საუკუნის დასაწყისში. ნეტარ ქერიმონს ღირსი თეოდორე სტუდიელიც (ხს.11 ნოემბერს) ახსენებს ყველიერის შაბათის საკითხავებში, ცისკრის კანონის VI გალობაში. 

„წმიდანთა ცხოვრება“, ტომი III, თბილისი, 2001 წ.