15 (28) მაისს ქართული ეკლესია აღნიშნავს წმიდა ერთ-ერთი ასურელი მამის, წმიდა პიროს ბრეთელის ხსენების (VI) დღეს.  

პიროს ბრეთელი — საქართველოში მოღვაწე ერთ-ერთი ასურელი მამა. მოსულა ქალაქ ანტიოქიიდან VI საუკუნის შუა წლებში იოანე ზედაზნელთან ერთად. 

წმიდა პიროს ბრეთელმა, „ღვთაებრივმან ხატმან სინანულისამან“, მდინარე ჯვარისწყლის მარცხენა სანაპიროზე, ბრეთში დააარსა სავანე. მისი წმიდა ნაწილები ამ მონასტერშია დაკარძალული.