ოთხშაბათს დილით ”ბერკუტის” სპეცდანიშნულების რაზმები შეესივნენ კიევის ადმინისტრაციის შენობას და ცრემლსადენი გაზით შეუტიეს იქ გამაგრებულ ეროვნულ ძალებს. შენობის დამცველებმა ჩართეს ბრანდსპოიტები და ”ბერკუტოველებს” ყინულივით ცივი წყალი ასხეს ზემოდან, რომელსაც ცხელ წყალს უნაცვლებდნენ და თან შეშებს აყრიდნენ. ”ბერკუტმა” უკან დაიხია! ”ბერკუტს” გარს შემოერტყნენ ასობით დემონსტრანტები და უყვიროდნენ "Зека - геть!" (”მოგვაშორეთ ტუსაღი” – ”Зек” – ”ტუსაღი” პრეზიდენტ იანუკოვიჩის მეტსახელია, რომელიც სისხლის სამართლის დანაშაულისათვის ორჯერ იჯდა ციხეში). ავად სახსენებელი ”ბერკუტი” მთელი ღამე უტევდა თავისუფლების მოედანს, მაგრამ ხალხმა შეინარჩუნა მოედანი. ოთხშაბათს დილიდან დამოუკიდებლობის მოედნისაკენ მოდის ათასობით ადამიანი. ისინი მეტრო ”თეატრალურიდან” მანქანებით მოემგზავრებიან, რადგან სადგურები თავისუფლების მოედანსა და კრეშჩატიკზე გადაკეტილია ” მასობრივი ღონისძიებების ჩასატარებლად”. ”ბერკუტმა” დატოვა თავისუფლების მოედანი სიტყვებით: ”ერთი ბრძანება მოგვსვლოდა, ძირიანად მოგთხრიდით!”. დეპუტატი ”ბატკივშჩინას” ფრაქციიდან, ალექსანდრე ბრაგინეცი იუწყება: ”9-საათიანი შერკინება ჩვენი გამარჯვებით დამთავრდა, ჩვენ მოვიგეთ ბრძოლა - საჭიროა ომის მოგება!” სრულიად უკრაინა ფეხად არის ამდგარი: მაგალითად, ”ევრომაიდანზე” ასობით ადამიანია ჩამოსული ლვოვიდ ან, ქალაქიდან, სადაც ადამიანები მასობრივად ტოვებენ რეგიონთა პარტიას - ლვოვში მთელი ღამე მოძრაობდნენ ავტოკოლონები ხმამაღალი საყვირებით და კრებდნენ ხალხს კიევში გასამგზავრებლად. თვით ხელისუფლებისადმი ადრე ყველაზე უფრო ლოიალურ ქალაქში - დონეცკშიც კი ითხოვენ მინისტრთა კაბინეტის გადადგომას! ”იანუკოვიჩმა ასობით ძალოვანი შემოყარა მშვიდობიანი დემონსტრაციის დასარბევად. მას აქ ბელორუსიის მოწყობა უნდა. მაგრამ მან არ იცის, რა არის უკრაინა. და ვერ გაიგებს ვერასოდეს!” -ამბობს ”ბატკივშჩინის” ლიდერი არსენი იაცენიუკი . რუსეთის გავლენის სფეროდან გამოსვლისათვს უკრაინაში ბრძოლა გადამწყვეტ ფაზაში შედის! | 
