რუსული საინფორმაციო პორტალი ”regnum.ru” იუწყება, რომ უკრაინაში მზადდება სასტიკი პროვოკაციები, რათა შეძრას და აატორტმანოს მთელი ქვეყანა. ეს განაცხადა რეგიონების პარტიის საპარლამენტო ფრაქციის წარმომადგენელმა ვლადიმერ ოლეინიკმა.

”მაიდანზე მოახდენენ მკვლელობას ან დააგდებენ გვამს”, - ამბობს ოლეინიკი და, პორტალის ცნობით,  მსგავსი პროვოკაციების შესაძლო მომწყობთა შორის ის ასახელებს ქართულ გვარებს: ”ისინი ყოველმხრივ დაძაბავენ ვითარებას და გაამწვავებენ სიტუაციებს”- დასძენს პარლამენტარი.

შემდეგ პორტალი  აღნიშნავს, რომ კიევში იმყოფებიან საქართველოს პარლამენტის დეპუტატები ”ერთიანი ნაციონალური მოძრაობიდან”, რომლებიც ჩავიდნენ კიევში უკრაინული ოპოზიციის მხარდასაჭერად და ”მაიდანზე” დგანან მომიტინგეების გვერდით და რომ   ისინი მართავენ შეხვედრებს პოლიტიკურ ძალებთან, მათ შორის უკრაინის მთავრობის წარმომადგენლებთან.

”ნიშანდობლივია, რომ კიევში გამგზავრებამდე ერთი დღით ადრე ქართველი პოლიტიკოსები თბილისში საპარლამენტო ასამბლეაზე მასპინძლობდნენ მოულოდნელად რეანიმირებულ ”სუამ”-ის ორგანიზაციას და მაღალი თანამდებობის პირებს პოლონეთიდან, რომლებთან ერთადაც განიხილავდნენ უკრაინაში მიმდინარე მოვლენებს”, - აღნიშნავს საგანგებოდ ”regnum.ru”.