როგორც წესი, ოფიციალური ვიზიტებისათვის პრინც უილიამის მეუღლე ირჩევს ბრიტანელი დიზაინერების კაბებს. თანაც, ყოველთვის როდი მიმართავს ისეთ აღიარებულ ბრენდებს, როგორიცაა, მაგალითად Alexander McQueen-ი.  ჰერცოგინიამ უარი განაცხადა სამეფო კარის სტილისტთა სამსახურზე და კატეგორიულად უარყოფს ნებისმიერი ბრენდის შემოთავაზებებს, რომლებიც თავიანთ მორთულობებს სრულიად უსასყიდლოდ სთავაზობენ.

ქეით მიდლტონი  თავისი ქვეყნის მოდის დესპანად აღიარეს მას შემდეგ, რაც შარშან მისი გემოვნება შეაფასეს აშშ-ში  მისი პირველი  ვიზიტის დროს. კალიფორნიაში ის ტრაპიდან დაეშვა „Roksanda Ilincic“-ის ცისფერი კაბით. „ეს წარმოუდგენელი გრძნობაა, როდესაც ქეთრინი, კემბრიჯის ჰერცოგინია ირჩევს ჩემს ერთ-ერთ საყვარელ კაბას - ამბობს გულაჩუყებული დიზაინერი ილინჩიკი - „ის მოდის ფანტასტიკური დესპანია და მთელი თავისი არსებით ნამდვილი პრინცესაა“. ლოს-ანჟელესში „BAFTA Brits to Watch event“-ზე ქეითი  გამოჩნდა Alexander McQueen-ის კაბით, ხოლო სანტა-ბარბარაში სპორტულ სანახაობაზე - Jenny Packham-ის კაბით.