მოსკოვში, ფედერალური არქივების  დარბაზში აპრილის პირველი რიცხვებიდან  წარმოდგენილი იყო გამოფენა, სახელწოდებით: „რუსი იმპერატრიცები - მოდა და სტილი“. გამოტანილი იყო XVIII საუკუნის ბოლოსა და  XX საუკუნის დასაწყისის ჩაცმულობები, მორთულობები, აქსესუარები, ძვირფასი სამკაულები.

ცნობილია, რომ პეტრე პირველმა გამოსცა ბრძანება: „ყველა წოდების ქალი გამოწყობილიყო  მხოლოდ  გერმანულ ტანსაცმელსა და თავსაბურავში და არავითარ შემთხვევაში - რუსულში“.  ნიკოლოზ პირველი - პირიქით, ავტორი იყო რუსული სტილის, რომლის საფუძველსაც შეადგენდა ეგრეთ წოდებული „სარაფანი“.

იმპერატრიცები ირთვებოდნენ მოდის მიხედვით - ცხადია, საკუთარი მოწადინებაც რომ არ ჰქონოდათ, მდგომარეობა აიძულებდათ.

 გამოფენაზე წარმოდგენილი გახლდათ თვით ეკატერინე მეორის, როგორც მოდელიერის მიერ შექმნილიო სურათიც. ხოლო მთავარი დახვეწილი მოდის მიმდევრის სახელი უდავოდ ეკუთვნოდა მარია ფეოდოროვნას - ალექსანდრე III-ის მეუღლეს.  მისგან დღემდე შემორჩენილია მრავალი სახის მორთულობა,  თვით კორსეტისა და წინდების ჩათვლით. თუმცა, დედამთილის გარდერობით დიდად არ იყო აღფრთოვანებული უკანასკნელი იმპერატრიცა ალექსანდრა ფეოდოროვნა - ამ თვალსაზრისით  თავად იყო მეტად კონსერვატიული და თავშეკავებული.