1495 წლის 25 ოქტომბერს ალვორში გარდაიცვალა პორტუგალიის მეფე 1481-1495 წწ. ავისის დინასტიიდან, აფონსუ V-ის შვილი -  ჟუან II (პორტ. João II).

მომავალი მეფე დაიბადა 1455 წლის 3 მაისს, ლისაბონში. ტახტზე ავიდა 1481 წელს 

მეფემ შეზღუდა მსხვილი ფეოდალური მიწათმფლობელობა და ფეოდალური იურისდიქცია. 

მეფე იყო "ზღვისიქითა" ქვეყნებში აქტიური ექსპანსიის მომხრე. ხელი შეუწყო ბართოლომეუ დიაშის ექსპედიციის მოწყობას;  მისი ინიციატივით დაიდო ტორდესილასის ხელშეკრულება.

ტორდესილასის ხელშეკრულება დაიდო 1494 წლის 7 ივნისს, ტორდესილასში (ესპანეთი), რომის პაპის ალექსანდრე VI-ის ინიციატივით, ესპანეთსა და პორტუგალიას შორის. ხელშეკრულების საფუძველზე, დადგენილ იქნა გამყოფი ხაზი, დასავლეთის გრძედის 46° მერიდიანი, რომლის დასავლეთით აღმოჩენილი ყველა ახალი ტერიტორია ცხადდებოდა ესპანეთის საკუთრებად, ხოლო მისგან აღმოსავლეთით აღმოჩენილი ახალი მიწები პორტუგალიის სამფლობელოებად.

მაგრამ შემდგომში პორტუგალიელებმა დაარღვიეს ეს ხელშეკრულება, როდესაც მერიდიანის დასავლეთითაც აითვისეს მიწები და შექმნეს კოლონია ბრაზილია.