შარლ VII  - შეიძლება ითქვას, ის ჟანა დ'არკმა აიყვანა ტახტზე.

შარლ VII დე ვალუა (ფრანგ. Charles VII de Valois) მეტსახელად ძლევამოსილი (ფრანგ. le Victorieux) (დ. 22 თებერვალი 1403, პარიზი, საფრანგეთი - გ. 22 ივლისი 1461, მეენ-სიურ-იევრი, საფრანგეთი) — საფრანგეთის მეფე 1422-1461 წლებში.

მამის შარლ VI-ის სიკვდილის შემდეგ, მიუხედავად ტრუის ხელშეკრულებისა (1420 წელი), თავი საფრანგეთის მეფედ გამოაცხადა. ჟანა დ’არკის დახმარებით შარლ VII 1429 წელს რეიმსში მეფედ ეკურთხა და 1437 წელს პარიზში შევიდა.

 1430 წლის 23 მაისს ქალაქ კომპენთან მიმდინარე ბრძოლისას ჟანა ტყვედ ჩავარდა. საფრანგეთის მეფეს კარლ VII-ს ჟანას დახმარება აღარ სჭირდებოდა და უარი თქვა გამოსასყიდის გადახდაზე... 

მეფემ გაატარა მთელი რიგი რეფორმები მეფის ხელისუფლების გასამტკიცებლად.1439 წელს დააარსა მუდმივი არმია, დააწესა პირდაპირი გადასახადი - ტალია. 1435 წლიდან შეწყვიტა გენერალური შტატების რეგულარული მოწვევა. გამოსცა პრაგმატული სანქცია. ჩაახშო დიდებულთა აჯანყება - პრაგერია (1440 წელი).