26 თებერვალს, კაფე Konka Station--ში ("გაჩერება კონკასთან")  გაიმართა სამეფო საიტის (georoyal.ge) ფოტოკონკურსში - "ვინა თქვა თითქოს პატარა იყოს, ჩემი სამშობლო დიდების ღირსი" -  გამარჯვებულების დაჯილდოება.

ჟიურის გადაწყვეტილებით კონკურსის გამარჯვებულები არიან მირანდა გოდერძიშვილი და გიორგი ბუღაძე. მათ გადაეცათ სიგელები და პრემია.

მესამე ადგილი მიეკუთვნა გიორგი ფილფანს, რომელიც დაჯილდოებას ვერ დაესწრო, რადგან სვანეთში იმყოფება.

გარდა ამისა, ფოტოკონკურსის მონაწილეებმა - მანანა პიტავამ და თამარ იაშაღაშვილმა მიიღეს სპეციალური პრემიები - "მკითხველის სიმპათია". ამ ნომინაციაში გამარჯვებულები თავად სამეფო საიტის მკითხველმა გამოარჩია.

ფოტოკონკურსის მონაწილეებმა არ უღალატეს ჩვეულებას და სურათებიც გადაიღეს, ზოგიერთ მათგანს ახლა ვაქვეყნებთ, სულ მალე კი შემოგთავაზებთ მშვენიერ ფოტოალბომს გამარჯვებულებისა და საიტის რედაქციისათვის დაუვიწყარი დღისა. 

სამეფო საიტი მადლობას უხდის გამარჯვებულებსა და ყველა მონაწილეს შესანიშნავი ფოტოსურათებისათვის და თანამშრომლობისათვის, გულშემატკივრებს, კაფე Konka Station-ის ("გაჩერება კონკასთან") მესვეურებს, news.ge-ს რედაქციას და სამეფო საიტის მკითხველებს.

აქვე მივუთითებთ ლინკს სადაც მკითხველს შეუძლია იხილოს დაჯილდოების ამსახველი რეპორტაჟი:

http://news.ge/ge/news/story/47374-georoyal.ge-m-fotokonkursshi-gam

გიორგი ბუღაძე