Paris Match-ის ფოტოები პარალელისათვის

მონაკოს  მთავარმა ალბერ II-მ და მისმა დებმა, პრინცესებმა კაროლინამ და სტეფანიამ, უარყოფითად შეაფასეს მათი დედის, გრეის კელის  შესახებ გადაღებული მხატვრული ფილმი “გრეისი მონაკოდან”. მსახიობის შვილებმა გაავრცელეს განცხადება, რომელშიც გამოხატეს თავიანთი უარყოფითი დამოკიდებულება ფილმთან დაკავშირებით.

მთავრისა და პრინცესების აზრით, ფილმში გრეისის ბიოგრაფია გადაჭარბებულად არის შელამაზებული, ბევრია ისტორიული უზუსტობაც, ზოგი სცენა კი სრულიად გამოგონილია.

Daily Mail-ის ცნობით, ფილმის ავტორებმა გადაღებების დაწყებამდე ალბერ II-ს გაუგზავნეს სცენარი, იმ იმედით, რომ  გრეის კელის ოჯახი ამ პროექტს მოიწონებდა. როგორც ვხედავთ მათ იმედი გაუცრუვდათ. 

 ალბერ II-ს მიერ გაკრიტიკებულმა რეჟისორმა,ოლივერ დაანმა განაცხადა, რომ ის ისტორიკოსი არ არის და ბიოგრაფიული ფილმი არ გადაუღია. მისი მიზანი იყო შეექმნა თანამედროვე ქალის სახე, რომელიც ცდილობს ერთმანეთს შეუთავსოს ოჯახი და კარიერა.

ჟურნალმა Paris Match-მა შედარების მიზნით გამოაქვეყნა კადრები აღნიშნული ფილმიდან, სადაც მსახიობი ნიკოლ კიდმანი განასახიერებს ლეგენდარულ გრეის კელის და რეალური გრეის კელის ცხოვრების ამსახველი ფოტოები...