საფრანგეთის და ესპანეთის მკვლევართა ჯგუფმა ძველ გოგრაში 200 წლის წინ გილიოტინით თავმოკვეთილი საფრანგეთის  მეფის, ლუდოვიკო XVI-ის სისხლის ლაქებიანი ქსოვილის ნაჭერი აღმოაჩინა.

ლუდოვიკოს თავი მოჰკვეთეს 1793 წლის იანვარში საფრანგეთის დიდი რევოლუციის დროს. სიკვდილით დასჯის შემდეგ მრავალმა დამსწრემ მონარქის სისხლი სუვენირად დაიტოვა, მასში საკუთარი ცხვირსახოცების ჩაწებით.

„Forensic Science International journal“-ის ცნობით, მეფის სისხლით დალაქავებული ერთი ასეთი ქსოვილის ნაჭერი ინახებოდა ძველ, შიგთავსიდან განთავისუფლებულ გოგრაში, ერთ-ერთი იტალიური ოჯახის კერძო კოლექციაში. მასზე იყო რევოლუციონერთა გამოსახულებები და შემდეგი წარწერა: „21 იანვარს მაქსიმილიან ბურდალუმ ამოავლო თავისი ცხვირსახოცი ლუდოვიკო XVI-ის სისხლში, თავის მოკვეთის შემდეგ“.

გენეტიკური მასალის იდენტიფიკაციის საშუალება გაჩნდა სხვა ფრანგი მონარქის - ანრი IV-ს ნეშტთან შეჯერებით, რომელიც ასევე ბურბონების დინასტიის წარმომადგენელი იყო. 1610 წელს იგი რელიგიურმა ფანატიკოსმა მოკლა. მეცნიერებმა დაადასტურეს ლუდოვიკოს სისხლისა და ანრი IV-ის მუმიფიცირებული თავის ქალისგან აღებული დნმ-ის გენეტიკური ერთობა.

მეცნიერების თვალსაზრისით, ეს აღმოჩენა ხელს შეუწყობს მეფისა და მისი ნათესავების გენეტიკური კოდის გაშიფვრას.