დღეს ტაილანდში დიდი ეროვნული დღესასწაულია - მისი უდიდებულესობა რამა  IX-ის დაბადების დღე. მეფე 1927 წლის 5 დეკემბერს არის დაბადებული - მას 85 წელი უსრულდება. იგი ჩაკრის დინასტიის წარმომადგენელია, დინასტიისა, რომელიც ტაილანდს მართავს 1782 წლიდან.

მეფე არა მარტო უმაღლესი პირია სახელმწიფოში - ტაილანდელთა რწმენით ის არის ღვთისდარი ინკარნაცია, რომელსაც მაგიური ყოვლისშემძლეობა მიეწერება.  მაგრამ რამა IX თავისთავად არის უნიკალური პიროვნება - მას აქვს პოლიტოლოგიური განათლება; არის ჯაზის მუსიკოსი, რომელსაც დაუკრავს ბენი გუდმენთან; დიდი ტალატის მქონე კომპოზიტორი, რომელსაც დაწერილი აქვს მშობლიური ქვეყნის ჰიმნი;  მხატვარი; ფოტოგრაფი; ხელოვნური წვიმის ტექნოლოგიის რამდენიმე პატენტის მფლობელი; კომიქსი-ბესტსელერის ავტორი.

მეფე რამა დაუოკებელი ენერგიით სტუმრობს სკოლებს და საავადმყოფოებს, ეცნობა საქველმოქმედო პროექტებს და პირადად ღებულობს ღარიბ გლეხებს; წერს მხიარულ, ჭკუის სასწავლებელ წიგნებს და დაპატენტებული აქვს სათბობის ახალი სახეობა.

ყოველ 5 დეკემბერს, მეფის დაბადების დღის აღსანიშნავად, სახელმწიფო დაწესებულებები მორთულია  ილუმინაციებით - ღამით ბანგკოკი დიდი სამეფო სასახლის რაიონში  ფერებში აბდღვრიალებულ ზღაპარს მოგვაგონებს.

ნიშანდობლივია,  რომ ტაილანდში მეფის დაბადების დღეს „მამის დღესაც“ აღნიშნავენ, ხოლო დედოფლის დაბადების დღეს, 12 აგვისტოს - „დედის დღეს“ ამთხვევენ.