შემოდგომაზე ეკრანებზე გამოდის ფილმი ”დაიანა: სიყვარულის ისტორია”, სადაც ”ნაომი უოტსი პრინცესა დაიანას როლს ითამაშებს”.

ამჟამად ცნობილი ხდება, რომ ამ ფილმით დიდი უკმაყოფილება გამოთქვა დაიანა სპენსერის ყოფილმა მეგობარმა, დოქტორმა ჰასნატ ხანმა.  ამ ფილმში სწორედ ის გამოჰყავთ მთავარ გმირად.

54 წლის კარდიოქირურგი ირწმუნება, რომ ფილმი აგებულია ოდენ ვარაუდებზე და ჭორებზე, რასაც სიუჟეტის ავტორები აგროვებდნენ წყვილის მეგობრებსა და ნათესავებში.

ხანმა დაიფიცა - არასოდეს ნახოს მათ სასიყვარულო ურთიერთობებზე აგებული სიუჟეტის ეკრანიზაცია. ამ განცხადების გასაკეთებლად მისთვის საკმარისი იყო ერთი კადრის ნახვა, რომელიც ასახავდა საავადმყოფოში პირველი შეხვედრის ძველისძველ ამბავს (რაც მომავალი რომანის პრელუდიად იქცა). დაიანას ახლობლები თვლიან, რომ ჰასნატ ხანი იყო დაიანას მთელი ცხოვრების ერთადერთი ნამდვილი სიყვარული. 36 წლის კარდიოქირურგი გახლდათ პირველი მამაკაცი,  ვინც პრინცესამ დაიახლოვა ბრიტანეთის ტახტის მემკვიდრესთან სკანდალური დაშორების შემდეგ.

თუმცა, როგორც კინოგამქირავებლები თვლიან, ხანის უკმაყოფილება ვერ იმოქმედებს კინოსიახლის პოპულარობაზე, რადგან მაყურებელს უყვარს ისტორიები პრინცესებზე და სიყვარულზე. პრემიერა დანიშნულია 19 სექტემბრისათვის. მთავარ როლებს ასრულებენ -  ნაომი უოტსი (დაიანა) და  ნავინ ენდრიუსი (ჰასნატი).