შვედეთის კროპნპრინცესას 36 წელი შეუსრულდა. ტრადიციის მიხედვით, სამეფო ოჯახი ყოველწლიურ დღესასწაულს მართავს მთელი ქვეყნის მცხოვრებლებთან ერთად. ზეიმი მოეწყო სამეფო რეზიდენცია სოლინდენში. დილიდან ციხე-სიმაგრესთან მოდიოდა ხალხი, რათა მიელოცათ ვიქტორიასათვის და მისდამი სიყვარული და პატივისცემა გამოეხატათ. მათი მოლოდინი გამართლდა - დილიდან სამეფო ოჯახი: დედოფალი სილვია, მეფე კარლ გუსტავ XVI, კრონპრინცესა ვიქტორია, პრინცი დანიელი და მათი ქალიშვილი - პრინცესა ესტელი გამოვიდნენ ხალხთან შესახვედრად. ყოველწლიური ჩვეულების მიხედვით კარლ გუსტავმა ქვეშევრდომებთან ერთად ქალიშვილისთვის შეასრულა მისალოცი სიმღერა. სტუმრებთან ურთიერთობაში ვიქტორია, როგორც ყოველთვის იყო სათნო, თავაზიანი და კეთილგანწყობილი. საღამოს გაიმართა სადღესასწაულო კონცერტი, სადაც კრონპრინცესა ეროვნულ სამოსში იყო გამოწყობილი. | 
