დედოფალმა ელისაბედ II -ემ პირველად დაარღვია სასახლის განაწესი და სურათი გადაიღო 7 წლის გოგონასთან ერთად ბუკინგემის სასახლესთან მდებარე პარკში სეირნობის დროს.

დედოფალმა ყველა გააკვირვა, როდესაც დათანხმდა გოგონასთან ერთად სურათის გადაღებას.

როგორც ” The Telegraph”-ი იუწყება, ხუთშაბათს, 11 ივლისს პატარა ჯესიკა ფიტჩი მშობლებთან ერთად სტუმრობდა ელისაბედ II -ის კორონაციის მე-60 წლისთავისადმი მიძღვნილ მორიგ ღონისძიებას. გოგონას მამა დაკავებულია ვაჭრობით - ის გარკვეული საქონლით ამარაგებს  სამეფო შეიარაღებულ ძალებს.

ჯესიკა მისეირნობდა ღირსპატივსაცემ სტუმართა რიგებს შორის თავის განუყრელ დათუნია ბერტისთან ერთად. უეცრად, როდესაც დედოფალმა გოგონას გვერდით გაუარა, გოგონას მამამ, მაიკლმა გულალალად ჰკითხა დედოფალს: ”მადამ, ხომ არ ისურვებდით ჩვენს დათუნიასთან ერთად გადაგეღოთ სურათი?”

ყველას გასაკვირად დედოფალი დათანხმდა ამ თხოვნას. მით უფრო ადვილი აღმოჩნდა სურათის გადაღება პრინც ჩარლზთან ერთად, რომელმაც დიდი სიხარულით გაწია პოზირება.