შვედეთის პოლიციამ უჩვეულო განძს მიაგნო. ცენტრალური შვედეთის ტრასაზე ნაგვის ტომრებში აღმოჩნდა სკიპტრა და გვირგვინი, რომლებიც ეკუთვნოდა XVI  საუკუნის მონარქს, მეფე იუჰან III-ეს.

ამ რელიქვიათა ადგილმდებარეობა უცნობმა პირმა შეატყობინა პოლიციას. ასე რომ, წესრიგის დამცველებს ისღა დარჩენოდათ, მისულიყვნენ მითითებულ ადგილას და  წამოეღოთ ისტორიული განძი.

ბრინჯაოს სკიპტრა და გვირგვინი ვერცხლის მოჭედილობით შესრულებულია XVI საუკუნის ჰოლანდიელი ოსტატის მიერ.

სამეფო რეგალიები ინახებოდა მეფე ერიკ XIV-ის (იუჰან III -ის ნახევარძმის) სამაროვანში, ქალაქ ვესტეროსში. ისტორიული ფასეულობის დაკარგვის ამბავი გაირკვა გასულ პარასკევს და ყველა ძალოვანი სტრუქტურა დაირაზმა ბოროტმოქმედთა  შესაპყრობად. როგორც ჩანს, ქურდებმა დაჭერის შიშით  გადაწყვიტეს დაებრუნებინათ სახელმწიფოსათვის ნაპარავი ნივთები.