ბრიტანეთის დედოფალი შოტლანდიის პარლამენტში

  შოტლანდიის პარლამენტი 1997 წლის შოტლანდიის რეფერენდუმის შედეგად ჩამოყალიბდა. მისი პირველი სესია 1999 წლის 12 მაისს გაიხსნა. აღსანიშნავია, რომ შოტლანდიის პარლამენტის პირველი სესია ბრიტანეთის მონარქმა გახსნა ედინბურგში.

შოტლანდიის პარლამენტის ახალი შენობაც დედოფლის მიერ იყო საზეიმოდ გახსნილი 2004 წლის ოქტომბერში, ედინბურგში.

რეგიონის პარლამენტი 129 დეპუტატისგან შედგება და აირჩევა 4 წელიწადში ერთხელ. მის კომპეტენციაში საკითხების ფართო სპექტრი შედის. ესენია განათლების, ჯანმრთელობის, მართლმსაჯულების, გარემოს, ეკონომიკური განვითარების, ადგილობრივი თვითმართველობის და პოლიციის საკითხები. შოტლანდიის პარლამენტი აგრეთვე უფლებამოსილია განსაზღვროს გადასახადების ოდენობა.

შოტლანდიის პარლამენტის ახლად არჩეული დეპუტატები დებენ საზეიმო ერთგულების ფიცს ბრიტანეთის მონარქის წინაშე.

მონარქი აგრეთვე ყოველ კვირას იღებს  შოტლანდიის პარლამენტისგან ანგარიშს მისი საქმიანობის შესახებ.

მონარქის უფლებამოსილება შოტლანდიის პირველი მინისტრის დანიშვნაზედაც ვრცელდება, რომელთანაც დედოფალი პერიოდულად ატარებს შეხვედრებს, „შოტლანდიური საქმეებისთვის“ განკუთვნილ  დროს.

ანალოგიურთან დაახლოებული მოდელი ურთიერთობისა შეიძლება გამოვიყენოთ აფხაზეთის მიმართაც, საქართველოში მონარქიული წყობის აღდგენის შემთხვევაში.

სოლომონ ლებანიძე

1.საქართველოს მეფე ნიშნავს საპარლამენტო არჩევნებს აფხაზეთში აფხაზეთის სტატუტის/კონსტიტუციის მიერ დადგენილ ვადებში.

 2.აფხაზეთის ახლადარჩეული პარლამენტის (სახალხო კრების) პირველი სესიის გახსნა საზეიმო ვითარებაში ხდება მონარქის მიერ აფხაზურ ენაზე.

3. აფხაზეთის პარლამენტის დეპუტატები საზეიმოდ ერთგულების ფიცს დებენ მონარქის წინაშე.

4.  გამარჯვებულ პოლიტიკურ ძალებთან კონსულტაციების შედეგად მონარქი აფხაზეთის ადგილობრივ პარლამენტს სთავაზობს პრემიერის კანდიდატურას, რომელიც პარლამენტის მიერ დამტკიცების შემდეგ აყალიბებს ადგილობრივ მთავრობას.

 სოლომონ ლებანიძე

 პოლიტოლოგი, სამეფო კლუბის წევრი

განხილვისათვის...    qne556@yahoo.com