წმიდა მოწამე ვლადიმერ სერბეთის მთავარი  ბრძნულად მართავდა თავის სამფლობელოებს -  ილირიასა და დალმაციას. ის გამოირჩეოდა კეთილმოწყალებით, სათნოებით, დიდსულოვნებით და სიმამაცით.  ვლადიმერი იყო დაუცხრომელი მლოცველი,   ეკლესიათა მშენებელი და ქტიტორი;  ებრძოდა ერეტიკოს ბოგომილებს ქვეყნის შიგნით და დამპყრობლებს - გარეთ; იყო დატყვევებული და საპყრობილეში ემცნო ანგელოზისგან, რომ თავს დაიხსნიდა სატუსაღოდან, მაგრამ ერგებოდა მოწამებრივი სიკვდილი, რაც რეალურად მოხდა.

 კეთილმსახური მეფე დაქორწინებული იყო ბულგარეთის მეფის სამოელის ასულ კოსარაზე. ბულგარეთის მეფესთან მოლაპარაკების საბაბით დაბარებული ვლადიმერი ღალატით მოკლეს ტაძრის კარებთან 1015 წლის 22 მაისს. წმიდა მთავრის კეთილმორწმუნე მეუღლე დაეყუდა ქმრის მიერ აშენებულ ტაძარში და სიკვდილამდე იქ მოღვაწეობდა.