|
ღირსი ბასილი აღმსარებელი
28 თებერვალს (13 მარტს) მართლმადიდებლური ეკლესია აღნიშნავს ღირსი ბასილი აღმსარებელის (+750) ხსენების დღეს.
ღირსი ბასილი აღმსარებელი ბერი იყო. ის მართლმადიდებლური სარწმუნოების ერთგულებისათვის ეწამა ხატმებრძოლი იმპერატორის, ლეონ ისავრიელის (717-741) დროს. როცა წმიდა ხატების თაყვანისმცემელთა დევნა დაიწყო, ბასილი თავის მოსაგრესთან, ღირს პროკოფისთან (ხს. 27 თებერვალს) ერთად აწამეს და საპყრობილეში ჩააგდეს. იქ იტანჯებოდნენ აღმსარებლები უსჯულო იმპერატორის აღსასრულამდე. ღირსი ბასილი მშვიდობით მიიცვალა 750 წელს.
წმიდანთა ცხოვრება“, ტომი I, თბილისი, 2001 წ |
|
