|
ბრიტანეთის უკანასკნელი კათოლიკე მონარქი - სისხლიანი მერი
მერი I (ინგლ. Mary I) იგივე სისხლიანი მერი (ინგლ. Bloody Mary; დ. 18 თებერვალი, 1516, გრინვიჩი – გ. 17 ნოემბერი 1558, სენტ ჯეიმსის სასახლე, ლონდონი) – ტიუდორთა დინასტიის ინგლისისა და ირლანდიის დედოფალი 1553-1558 წლებში.
იგი იყო ჰენრი VIII-ეს უფროსი, ხოლო კატერინა არაგონის ერთადერთი ცოცხლად გადარჩენილი ქალიშვილი. დედოფალი მერი ცნობილია, როგორც ინგლისის კათოლიკური ელესიის აღმდგენი, რაც მან მოახერხა ნახევარძმის ედუარდ VI-ის გარდაცვალების შემდეგ. იმ დროს, როდესაც 300 რელიგიურ სექტაზე მეტი არსებობდა, მან ცეცხლში დაწვა განსხვავებული აზრის მქონე პირები, რომლებიც რელიგიის რეფორმებს ეწინააღმდეგებოდნენ. ამ მოქმედებამ მას დაუმკვიდრა სახელი „სისხლიანი მერი“.
1554 წელს ესპანეთის მეფე ფილიპე II დაქორწინდა დედოფალ მერიზე, რომელიც კათოლიკე იყო და ინგლისში პროტესტანტიზმის აღმოფხვრას გეგმავდა. მათ შვილი არ ეყოლათ. 1558 წელს, მერის გარდაცვალების შემდეგ ინგლისის ტახტზე ავიდა მისი უმცროსი და ელისაბედ I, რომელიც პროტესტანტად იყო აღზრდილი.
|
|
