|
იმპერატორი ჰაინრიხ VI
1197 წლის 28 ოქტომბერს გარდაიცვალა ჰაინრიხ VI - გერმანიის მეფე 1190-1197 წლებში, საღვთო რომის იმპერატორი 1191-1197 წლებში და სიცილიის მეფე 1194-1197 წლებში. ჰოჰენშტაუფენის დინასტიის წარმომადგენელი.
მომავალი იმპერატორი დაიბადა 1165 წელს. იგი იყო ფრიდრიხ I ბარბაროსასა და ბეატრიქს ბურგუნდიელის მეორე ვაჟი. 1169 წლის ივნისში, 4 წლის ასაკში, ის რომაელთა მეფედ აკურთხეს. იმპერიის სადავეების მამისგან გადაბარების შემდეგ, რომელიც ჯვაროსნულ ლაშქრობებში მონაწილეობდა, ჰაინრიხმა ჩაახშო საქსონიისა და ბავარიის ჰერცოგ, ჰაინრიხ ლომის აჯანყება.
1184 წელს ჰაინრიხ VI დაინიშნა კონსტანცია სიცილიელზე და 1186 წლის 27 იანვარს ისინი მილანში დაქორწინდნენ. კონსტანცია იყო უილიამ II სიცილიელის ერთადერთი კანონიერი მემკვიდრე, რომლის სიკვდილის შემდეგ, 1189 წლის ნოემბერში, ჰაინრიხს შესძლებლობა მიეცა სიცილიის სამეფო ტახტს დაპატრონებოდა. თუმცა ამ დროს შეიტყო, რომ 1190 წლის 10 ივნისს, თურქეთის პროვინცია კილიკიაში დაიღუპა მამამისი. ამის შემდეგ ჰაინრიხმა გერმანიის ტახტი დაიკავა.
1191 წლის აპრილში ჰაინრიხ I რომის პაპმა ცელესტინ III-მ იმპერატორად აკურთხა. გაცილებით რთული აღმოჩნდა სიცილიის ტახტის დაკავება. სამხრეთ იტალიის ბარონებმა თავიანთ მეფედ როჯერ II სიცილიელის შვილიშვილი, ლეჩეს გრაფი ტანკრედი გამოაცხადეს. 1194 წლის თებერვალში ტანკრედი გარდაიცვალა და მისი ადგილი დაიკავა უილიამ III სიცილიელმა. თუმცა, ჰაინრიხი განაგრძობდა სიცილიისთვის ბრძოლას. 1194 წლის 20 ნოემბერს ჰაინრიხმა მცირედი წინააღმდეგობების გადალახვის შემდეგ მიაღწია სიცილიის სამეფოს დედაქალაქ პალერმოში, ხოლო 25 დეკემბერს სამეფო ტახტი დაიკავა.
1197 წელს, უცხოელი მეფის ტირანულმა მმართველობამ გამოიწვია იტალიაში ამბოხება, რაც განსაკუთრებით სამხრეთ სიცილიაში იკვეთებოდა, თუმცა აჯანყება გერმანულმა არმიამ ძალის გამოყენებით ჩაახშო. იმავე წელს, ჰაინრიხი აწყობდა ჯვაროსნულ ლაშქრობას, თუმცა 1197 წლის 28 სექტემბერს ის მალარიით გარდაიცვალა; ამის მიუხედავად, ჰაინრიხი თვლიდა რომ ის მოწამლეს.
ჰაინრიხის შვილს ფრიდრიხ II კანონით ორივე ტახტის, სიცილიისა და საიმპერიო ტახტის მემკვიდრე იყო, თუმცა ის გაცილებით გვიან, 1215 წელს, ოტო IV ბრაუნშვაიგელის შემდგომ მიაღწია მიზანს. |
|
|
 წმიდა დანიელ სერბი, ვისი ხსენებაც არის 2 იანვარს, მდიდარი და დიდგვაროვანი მშობლების ერთადერთი ძე, სერბეთის მეფის, სტეფანე უროშ მილიუტინის დაახლოებული პირი იყო. მან უარი თქვა საერო კარიერაზე და ბერად აღიკვეცა. ნეტარი დანიელის მოსაგრე ცხოვრება მაგალითი იყო მთელი საძმოსთვის. სერბეთის მთავარეპისკოპოსმა ევსტათემ იგი ხუცესად აკურთხა.
შემდგომ უფლის რჩეული ათონის მთის ხილენდარის სავანის იღუმენად აირჩიეს. |  წმიდა იოანე კრონშტადტელი, ვისი ხსენებაც არის 2 იანვარს, 1829 წლის 19 ოქტომბერს დაიბადა პინეჟის მაზრის სოფელ სურაში, ადგილობრივი ეკლესიის მედავითნის ხელმოკლე ოჯახში. ახალშობილი იმდენად სუსტი იყო, რომ მშობლებს არც კი ეგონათ, დილამდე თუ იცოცხლებდა, ამიტომ იმავე ღამეს მონათლეს.
წმიდანმა წერა-კითხვა ოჯახში ისწავლა. ათი წლისა კი ადგილობრივ სასწავლებელში შეიყვანეს. თავდაპირველად ყმაწვილს ძალიან გაუჭირდა სწავლა, მაგრამ, ღვთის წყალობით, შემდგომ ყველაფერი კარგად წარიმართა.
|
| | | |
|
