 | | მეფე და კარდინალი რიშელიე | 1601 წლის 27 სექტემბერს, ფონტენბლოში დაიბადა ლუი XIII სამართლიანი (ფრანგ. Louis XIII de Bourbon "le Juste) საფრანგეთის და ნავარის მეფე 1610-1643 წლებში. ანრი IV-ისა და მარი მედიჩის ძე. ბურბონთა დინასტიის წარმომადგენელი.
გამეფდა მცირეწლოვანი 1610 წელს, მამამისის მკვლელობის მერე. მეურვედ ჰყავდა დედამისი, რომლის რეგენტობის დროს ძალაუფლება ძლევამოსილი ფავორიტის, იტალიელი კონჩინის ხელში მოექცა. 1615 წელს შერთეს ესპანეთის მეფის ასული ანა ავსტრიელი. არისტოკრატიის მოთხოვნით 1614-1615 წლებში მოიწვია გენერალური შტატები. 1624 წელს ლუი XIII-მ, დედის შთაგონებით თავის მრჩევლად მიიწვია კარდინალი რიშელიე, რომელიც მალე პირველი მინისტრი და, არსებითად, საფრანგეთის ერთმმართველი გახდა. ლუი XIII მოქმედებდა მისი მითითებით. კარდინალი იცავდა მას შეთქმულებისაგან, რომელშიც მონაწილეობდნენ მეფის დედა, ძმა - გასტონ ორლეანელი, ანა ავსტრიელი და მეფის ნათესავები. ლუი XIII-ს კარგად ჰქონდა შესწავლილი სამხედრო საქმე. მისი პირადი სარდლობით მოეწყო რამდენიმე ლაშქრობა. რიშელიეს პოლიტიკის შედეგად განმტკიცდა ფრანგული აბსოლუტიზმი და საფრანგეთმა პირველი ადგილი დაიკავა ევროპის სახელმწიფოთა შორის. ამასთან, ლუი XIII-ის მმართველობის ხანა აღინიშნა მძიმე სახელმწიფო გადასახადებით, ხალხის ფართო მასების გაღატაკებით, სახალხო მღელვარებებითა და აჯანყებებით. მეფე გარდაიცვალა 1643 წის 14 მაისს, სენ-ჟერ
 | | 1616 წელი | მენ-ან-ლეში, საფრანგეთი. |
