იტალიის უკანასკნელი მეფე უმბერტო II ნიკოლა ტომაზო ჯოვანი ( Umberto II. Nicola Tomaso Giovanni), სავოიის დინასტიიდან, დაიბადა 1904 წლის 15 სექტემბერს, რაკონიჯიში, იტალიაში.
უმბერტო ვიტორიო ემანუელე III-ის და მისი მეუღლის მონტენეგროს პრინცესა ელენეს ვაჟი იყო. სხვა დროს ჩვენ გიამბობთ, როგორ აჩუქეს საქართველოში მოგზაურობისას ქართველმა თავადებმა მამამისს, მომავალ მეფეს ემანუელე III-ს დავით აღმაშენებლის უნიკალური მონეტა. უმბრტო 1946 წელს ემანუელე III-ს ტახტიდან გადადგომის შემდეგ იგი იტალიის მეფე და სავოიის ჰერცოგი გახდა. მისმმა მმართველობამ მხოლოდ 33 დღე გასტანა, 1946 წლის 9 მაისიდან 12 ივნისამდე.
ქვეყანაში ჩატარდა რეფერენდუმი, იტალიის მოსახლეობამ არ აპატია დინასტიას მუსოლინისთან თანამშრომლობა და ქვეყნის მეორე მსოფლიო ომში ჩაბმა და დამარცხება... მონარქიის გაუქმების შემდეგ ყოფილი მეფე უმბერტო ემიგრაციაში წავიდა და აღარასოდეს დაბრუნებულა იტალიაში. 1983 წლის 18 მარტს იგი ჟენევაში გარდაიცვალა, თუმცა დაკრძალეს სავოიაში.
1930 წლის 8 იანვარს უმბერტო II-ემ იქორწინა ბელგიის პრინცესა მარი ბელგიელზე (1906–2001), რომელთანაც 4 შვილი შეეძინა:
მარია პია (* 24 სექტემბერი 1934) - იუგისლავიის პრინცესა
ვიტორიო ემანუელე (* 12 თებერვალი 1937) - სავოიის ჰერცოგი
მარია გაბრიელა (* 24 თებერვალი 1940) - გრაფინია დე ბალკანი
მარია ბეატრიჩე (* 2 თებერვალი 1943) - სენიორა კორვალანი
| 
