1165 წლის 21 აგვისტოს დაიბადა საფრანგეთის მეფე 1180-1223 წლებში. კაპეტინგების დინასტიის წარმომადგენელი, ლუი VII-ს (1120-1180) და ადელაიდა შამპანელის შვილი. - ფილიპე II "ავგუსტი'.
მეფე დაუცხრომელად იბრძოდა. გააფართოვა სამეფო დომენი. მესამე ჯვაროსნული ლაშქრობის ერთერთი წინამძღლი იყო 1189-1191 წლებში. 1202-1204 წლებში ინგლისის მეფე ჯონ უმიწაწყლოს წაართვა ნორმანდია, მენი, ანჟუ, პუატუს ნაწილი, შემდეგ ტურენი, 1206 წლის ხელშეკრულებით ჯონ უმიწაწყლომ უარი თქვა საფრანგეთში პლანტაგენეტთა სამფლობელოების უმეტეს ნაწილზე. ფილიპ II-ის წარმატებები დაგვირგვინდა 1214 წელს ინგლისთან ლაროშ-ო-მუანისა (ანჟუ) და ინგლისის მეფის მოკავშირეებთან ბუვინის (ფლანდრია) ბრძოლებში გამარჯვებით.
სამეფოში გაატარა ადმინისტრაციული და ფინანსური რეფორმები. დაამარცხა არისტოკრატია. დააარსა ტერიტორიულ-ადმინისტრაციული ოლქები – საპრევოები და საბაიიები, აგრეთვე სამეფო საბჭო. მის დროს დაიწყო სამხრეთ საფრანგეთის მიწების შემოერთება. თავის თავს უწოდა "საფრანგეთის მეფე", მისი წინამორბედები 'ფრანკთა მეფეების" სახელს ატარებდნენ.
მისმა თანამედროვე მემატიანემ, ბერმა რიგორდმა მეფეს რომაული ტრადიციით უწოდა "ავგუსტი", მას შემდეგ რაც ფილიპემ გაზარდა სამეფოს ტერიტორიები. ამასთან ხელმწიფე აგვისტოში იყო დაბადებული. იგი ითვლება ერთ-ერთ დიდ მეფედ საფრანგეთისა. გარდაიცვალა 1223 წლის 14 ივლისს. | 
