სტოკჰოლმში, 97 წლის ასაკში  გარდაიცვალა შვედეთის პრინცესა ლილიანი.

ლილიან დევისი დაიბადა სუონსიში,  სიდიდით ვალიელთა მეორე ქალაქში 1915 წელს, რიგითი უელსელის ოჯახში. 16 წლის ასაკში ის გადავიდა ლონდონში. იყო „მოდელი“, ამშვენებდა ჟურნალ „Vogue“-ს გარეკანს.

მეორე მსოფლიო ომის დროს მუშაობდა ქარხანაში და მოწყალების დად. თავისი მომავალი ქმარი - შვედეთის პრინცი ბერტილი მან გაიცნო 1943 წელს.

მაშინ ის იყო ინგლისელი მსახიობის - ივან კრეიგის მეუღლე. მაგრამ მას და ბერტილს მგზნებარედ შეუყვარდათ ერთმანეთი. მისი მრავალწლიანი რომანი პრინც ბერტილთან ითვლება თანამედროვეობის ერთ-ერთ ყველაზე უფრო რომანტიკულ  სასიყვარულო ისტორიად. შეყვარებულები დიდი ხნის მნანძილზე არ ამხელდნენ საკუთარ გრძნობებს.  საქმე ის გახლდათ, რომ არაკეთილშობილური წარმომავლობის ქმარგანაშორებ უცხოელ ქალზე ქორწინებით ბერტილს შეეძლო დაეკარგა უფლებები ტახტზე. მამამისმა, გუსტავ VI ადოლფმა  არ მისცა წყვილს კურთხევა ქორწინებაზე. მას ეშინოდა საფრთხის ქვეშ არ დაეყენებინა  ბერნადოტების დინასტიის ბედი. შედეგად შეყვარებულებმა თავიანთი ურთიერთობის დაკანონება შეძლეს  მხოლოდ 30-ზე მეტი წლის შემდეგ - 1976 წელს.

პრინცესა ლილიანმა იმდენად მოხიბლა შვედები თავისი სიყვარულის ისტორიით, რომ   ბერტილის სიკვდილის შემდეგაც, 1997 წლიდან  სწორედ ლილიანი წარმოადგენდა შვედეთს ოფიციალურ ღონისძიებებზე.