ინგლისის დედოფლის - ელისაბედ II-ის მეუღლე პრინცი ფილიპე -  ედინბურგის ჰერცოგი ცნობილია თავისი სპეციფიკური იუმორით.  მის სულ ბოლო გამონათქვამებს მიეკუთვნება საავადმყოფოს გახსნის ცერემონიალზე მიპატიჟებისას წითელი ლენტის გაჭრის პატივთან დაკავშირებით წარმოთქმული ფრაზა. მან განაცხადა, რომ ამ საკმაოდ  რთულ საქმეში ის, შეიძლება ითქვას, ყველაზე გამოცდილი ადამიანია.

როდესაც პრინცი საავადმყოფოს თანამშრომლებს გაეცნო, წარმოშობით ფილიპინელ მედდას უთხრა, რომ მისი ქვეყანა ეტყობა სანახევროდ დაცარიელდა და ყველა ადგილობრივი მცხოვრები გადმობარგდა დიდ ბრიტანეთში.

საგულისხმოა, რომ ზოგჯერ ედინბურგის ჰერცოგი არას დაგიდევთ დიპლომატიას და მისი  შენიშვნები და ხუმრობები კარგავენ ხოლმე პოლიტკორექტულობას. ასე, მაგალითად ჩინეთში ვიზიტის დროს მან გააფრთხილა ბრიტანელი სტუდენტები, რომ ამ ქვეყანაში დიდხანს ყოფნის შემდეგ მათ შეიძლება თვალების ჭრილი დაუვიწროვდეთ.