| როგორც ადრე ვწერდით, ესპანეთის ტახტის მემკვიდრის ფილიპეს ტიტულია ასტურიის, ვიანისა და ჟერონის პრინცი, მონბლანის ჰერცოგი, სერვერის გრაფი, ბატონი ბალაგერი, შემოკლებით ასტურიის პრინცი. ასე ეწოდებათ ტახტის მემკვიდრეებს ესპანეთში. ასეთი პრეცედენტები სხვაცაა, დიდ ბრიტანეთში უელსის პრინცია ტახტის მემკვიდრის წოდება. ამგვარი რამ შეიძლება საქართველოშიც დაინერგოს და ტახტის მემკვიდრეს ეწოდოს აფხაზეთის პრინცი. ასტურიის პრინც ფილიპეს მიღებული აქვს მაიორისა და კაპიტნის სამხედრო წოდება, არის სამხედრო საავიაციო და საზღვაო ფლოტის ვერტმფრენების კვალიფიცირებული მფრინავი. იგი ამ დღეებში იყოფებოდა მცირე ზომის ავიამზიდ „პრინციპე დე ასტურიას“ ექსპლუატაციიდან ჩამოწერის, გამოსამშვიდობებელ ცერემონიალზე. ეს ავიამზიდი კარგა ხანს ემსახურა ესპანეთს. „პრინციპე დე ასტურიასი“ მცირე ავიამზიდია. ის დაამზადეს 1979-1980 წლებში. განკუთვნილი იყო მოკლე და ვერტიკალური აფრენის თვითმფრინავების ბაზირებისათვის. ესპანეთის შეიარაღებულ ძალებში ამ ავიამზიდმა თავის დროს შეცვალა მოძველებული ავიამზიდი „დედალო“, რომელიც მეორე მსოფლიო ომის დროიდან ფლაგმანის როლს ასრულებდა სამხედრო ფლოტში. როგორც განაცხადა ესპანეთის სამხედრო ფლოტის შტაბის უფროსმა, ხაიმე მუნიოს-დელგადომ, ავიამზიდი აღარ იქნება შეიარაღებული ძალების შემადგენლობაში. ავიამზიდის ექსპლუ ატაციიდან ჩამოწერის, "გამოთხოვების" ცერემონიალში, სამხედრო-საზღვაო ბაზა კედისში, მონაწილეობა მიიღო ასტურიის პრინცმა ფილიპემ, როგორც ქვეყნის მთავარსარდლის - მეფის წარმომადგენელმა, ასტურიის პრინცმა და სამხედრომ. |
