მისი უდიდებულესობა, ესპანეთისმეფე - ფილიპე VI - ესპანეთის მეფის ხუან კარლოს I-სა და დედოფალ სოფიას მესამე შვილია.

დაიბადა მადრიდში 1968 წლის 30 იანვარს. მის დაბადებამდე მეფესა და დედოფალს უკვე ჰყავდათ ორი ქალიშვილი ინფანტები - ელენა და კრისტინა. დაბადებისას ინფანტის წოდება მიიღო. მისი ნათლიები იყვნენ პაპამისი, ხუან კარლოსის მამა, ბარსელონის გრაფია ხუან დე ბურბონი, და ხუან დე ბურბონის დედა, ესპანეთის ყოფილი დედოფალი ვიქტორია ევგენია.

 1975 წლის 1 ნოემბერს ასტურიის, ვიანისა და ჟერონის პრინცის ტიტული მიიღო. მამამისის გამეფებისას კი, 1975 წლის 22 ნოემბერს, ტახტის მემკვიდრედ გამოცხადდა. როგორც კი სრულწლოვანი გახდა, მეფისა და კონსტიტუციისადმი ერთგულების ფიცი დადო ესპანეთის პარლამენტში.

 პრინცმა ფილიპემ მადრიდისა და კანადის სკოლების დამთავრების შემდეგ სწავლა განაგრძო  სამხედრო აკადემიაში, შეისწავლა იურისპრუდენცია და ეკონომიკა, ჯორჯთაუნის უნივერსიტეტში მიიღო საერთაშორისო ურთიერთობის მაგისტრის დიპლომი.

 ის ოლიმპიურ თამაშებშიც იღებდა მონაწილეობას. იყო ესპანეთის ნაკრების წევრი საიალქნე სპორტში. 

ასტურიის პრინცობიას აქტიურად იყო ჩართული სახელმწიფოებრივ და საზოგადოებრივ საქმიანობაში.

გამეფებამდე ტახტის მემკვიდრემ ესპანეთის ოფიციალური  წარმომადგემლის სტატუსით მსოფლიოს არაერთ ქვეყანაში იმო

არის სამხედრო, საავიაციო და ფლოტის ვერტმფრენების კვალიფიცირებული მფრინავი.

2014 წლის ივნისის დასაწყისში მამამისი ხუან კარლოს I გადადგა და ტახტზე ავიდა ფილეპე VI.

მეფის მეუღლეა ყოფილი ჟურნალისტი - დედოფალი ლეტიცია, რომელთანაც იქორწინა 2004 წლის 22 მაისს. მათ ჰყავთ ორი ქალიშვილი, ინფანტები ლეონორი და სოფია.