6 იანვარს მადრიდში ტრადიციულად მოეწყო სამხედრო აღლუმი, რომელიც ჩაიბარა მეფე ხუან კარლოსმა

 წელს აღლუმის ხანგრძლივობა ჩვეულებრივზე გაცილებით ნაკლები იყო, ვინაიდან მეფე ჯერ კიდევ თავს სუსტად გრძნობს გადატანილი ოპერაციის შემდეგ. შარშან, 4 სექტემბერს, ხუან კარლოს გაუკეთეს ოპერაცია მარცხენა ფეხის მყესზე ქუსლის მიდამოებში.

მანამდე, ივნისის თვეში ესპანეთის მეფეს გაუკეთეს ოპერაცია მარჯვენა მუხლზე. 2010 წელს კი, ფილტვებიდან სიმსივნე ამოაჭრეს.

ფეხის ოპერაციის გამო, მეფე ცოტა დასუსტებულია და დიდხანს ფეხზე დგომა უჭირს. აქვე გავიხსენოთ, რომ ხუან კარლოსი წინა დღეს გახდა 75 წლისა, რის შესახებაც უკვე ვწერდით. დაბადების დღე მეფემ ძალიან მოკრძალებულად აღნიშნა, ქვეყანაში ეკონომიკური კრიზისია, და მეფის მხრიდან დაბადების დღის პომპეზურად, თუნდაც არა ძვირადღირებული ზეიმით, აღნიშვნა უხერხული იქნებოდა.

აღლუმზე მეფეს გვერდს უმშვენებდნენ დედოფალი სოფია, ტახტის მემკვიდრე ფილიპე და რძალი ლეტიცია.

აღლუმის შემდეგ სასახლეში გაიმართა მიღება.