Big H

დიდი ბრიტანეთის სამეფო ოჯახი ტრადიციულობით გამოირჩევა. ისინი ყოველთვის ერთად ხვდებიან მათთვის ყველაზე უმნიშვნელოვანეს დღესასწაულებს, მათ შორის შობას.

მხოლოდ წელს დაირღვა ტრადიცია და პრინცი უილიამი თავისი სიმამრის ოჯახში შეხვდა შობას, ბებიის თანხმობით, რა თქმა უნდა. უდავოა, ეს სამეფო ოჯახის მხრიდან მძახლებისადმი პატივისცემის გამოხატულება გახლდათ. მით უმეტეს, რომ უილიამის მეუღლე ქეითი ფეხმძიმედ არის და ძალიან უხაროდა თავის მშობლებთან სტუმრობა.

დილიდან უილიამი, ქეითი, ქეითის მშობლები - მაიკლი და ქეროლი, და - პიპა და ძმა ჯეიმსი ერთად დაესწრნენ საშობაო წირვას ბერკშირში, საღამოს კი ოჯახურ გარემოში იზეიმეს.

დედოფალი და სამეფო ოჯახის წევრები სადღესასწაულო წირვას, ტრადიციისამებრ სანდრინგემის ეკლესიაში დაესწრნენ, შემდეგ კი დედოფალმა უმასპინძლა თავისი ოჯახის მრავალრიცხოვან წევრებს.

ამ დროს კი პრინცი ჰარი ავღანეთში თავის თანამებრძლებთან ერთად სამხედრო პოსტზე მორიგეობდა.

პრინცი სერიოზული და კარგი მებრძოლია. რამდენიმე დღის წინ სამხრეთ ავღანეთის პროვინცია ჰელმანდში მან პირადად გაანადგურა ერთ-ერთი თალიბი მეთაური. იგი სამხედრო ვერტფრენ „აპაჩის“ მართავდა და გაისროლა რაკეტა „ჰელფაირი“ მტრის გასანადგურებლად.

28 წლის პრინცი ავღანეთში გასული წლის სექტემბრიდან მსახურობს. იგი ვერტმფრენის ეკიპაჟის მეორე პილოტად დაინიშნა. პრინც

ბერკშირში

ეს ჰარისთვის მეორე მივლინებაა ცხელ წერტილში. ოთხი წლის წინ ათი კვირის განმავლობაში მსახურობდა ავღანეთში არტილერიაში. მაშინ პრინცი უკან გაიწვიეს, რადგან მისი უსაფრთხოება დაცული ვერ იქნებოდა - მედიამ  მისი ზუსტი ადგილსამყოფელის შესახებ ცნობა გაავრცელა, არადა თალიბი ტერორისტები გააფთრებული ნადირობდნენ პრინცზე, ეს კი მის თანამებრძოლებსაც უქმნიდა საფრთხეს. ამ ვითარების გამო  ბრიტანეთის მთავრობამ და სამხედრო მეთაურებმა გადაწყვიტეს, არ გაერისკათ პრინცისა და მისი რაზმის წევრების სიცოცხლით.

ჯარში პრინცი ჰარი პატივისცემით და პოპულარობით სარგებლობს. მას მეტსახელებიც შეარქვეს თანამებრძოლებმა - ზოგი კაპიტან უელსს უწოდებს (ჰარი ხომ უელსის პრინცის შვილია, მისი ტიტულია უელსელი პრინცი). ზოგი კი „დიდ ჰ“ („Big H“) უწოდებს მისი სახელის პირველი ასოს მიხედვით.