მსოფლიო ეკონომისტების გამოთვლით, პრინც უილიამისა და ქეით მიდლტონის  ქორწინების ცერემონიალმა 2 მილიარდ ფუნტ სტერლინგზე მეტი მოგება მოუტანა დიდი ბრიტანეთის ეკონომიკას.

ეს ფული  ლონდონში დახარჯეს ტურისტებმა , რომლებიც ჩასული იყვნენ ქორწილის ცერემონიის სანახავად დიდ ბრიტანეთში.

ფული შევიდა ხაზინაში გადასახადებიდან. გარდა ამისა, უბრალო მოვაჭრეებმა, ტაქსის მძღოლებმა, წვრილმა მეწარმეებმა, სასტუმროებმა და ა. შ. ასევე დიდი მოგება ნახეს.

ეკონომისტების გათვლით, ქვეყნისათვის დიდი მოგების მომტანი იქნება პრინც უილიამის მეუღლის - ქეით მიდლტონის ფეხმძიმობა. რაც პერსპექტივაში  ახალ ფინანსურ მოგებას ჰპირდება გაერთიანებული სამეფოს  ეკონომიკას.

წინასწარი  გათვლებით, ქეითის პირმშო 4.5 მილიარდი ფუნტი სტერლინგით შეავსებს ქვეყნის ხაზინას. ეს თანხა ყოველწლიურად გაორმაგდება. გარდა ამისა, ფინანსურ სარგებელს ნახავენ მეწარმეები, ფოტოგრაფები, ტაქსისტები, გამომცემლობები,  კაფეები, რესტორნები და ა. შ. და ა. შ.

ეს მოვლენა ისე წაადგება ქვეყნის ეკონომიკას, როგორიც ელისაბედ  მეორის იუბილე ან ოლიმპიური თამაშები.

ამასთან წარმოვიდგინოთ, რამხელა სიხარულს მოუტანს მემკვიდრის დაბადება როგორც მონარქის ოჯახს, ასევე  დიდი ბრიტანეთის მოსახლეობას.

სავარაუდოა, ახალშობილის გაჩენამ ქვეყანაში დემოგრაფიული  აფეთქებაც გამოიწვიოს. კერძოდ, ქეით მიდლტონი არაერთი ინგლისელი ქალბატონის მიბაძვის ობიექტია. შესაძლოა ბევრმა მათგანმა მიდლტონის მსგავსად ისურვოს შვილების გაჩენა.

ამასთან, შეგახსენებთ, რომ ექიმების დასკვნთ, შეიძლება ქეითს ტყუპიც შეეძინოს, რადგან ასეთი ტოქსიკოზი აწუხებს იმ დედებს, რომლებიც ტყუპებს ელოდებიან.  

თუ მართლა ტყუპები შეეძინება სამეფო წყვილს, ეს ხომ ორმაგად სასიხარულო იქნება სამეფო ოჯახისა და ბრიტანეთის პატრიოტებისათვის.