როგორც ცნობილია, 1928 წელს ალბანეთში პრეზიდენტმა აჰმედ მუჰტარ ბეი ზაგოლლიმ თავი მონარქად გამოაცხადა და დაირქვა აჰმედ ზოგუ I. თერთმეტი წლის შემდეგ, იტალიელთა მიერ ალბანეთის ოკუპაციის გამო მეფეს მოუწია ქვეყნის დატოვება. სამეფო ოჯახმა მხოლოდ 2002 წელს მიიღო უფლება დაბრუნებულიყო ტირანაში. ამ დროს ყოფილი მეფე გარდაცვლილი გახლდათ, ოჯახს მეთაურობდა მისი ვაკი ლეკა. შარშან პრინცი ლეკა გარდაიცვალა და ახლა სამეფო ოჯახის მეთაური გახლავთ ლეკა მეორე ანვარი (როგორც მას უწოდებენ).

ალბანეთის ტახტის მემკვიდრემ, პრინცმა ლეკამ 2010 წლის 10 მაისს დანიშნა ალბანელი მსახიობი და მომღერალი  ელია ზაქარია. 2013 წელს, თითქმის სამი წლის შემდეგ, შედგება ქორწილი.  წყვილის თქმით, ქვეყანაში არსებული მძიმე პოლიტიკური  ვითარების გამო ქორწილი უფრო ადრე ვერ ჩატარდა.

ალბანეთის მემკვიდრე დაიბადა 1982 წლის  26 მარტს ალბანეთის მეფის ლეკა I-ისა და  დედოფალ სიუსანის ოჯახში. კრონპრინცი არის ალბანეთის შინაგან საქმეთა სამინისტროს კოლეგიის წევრი. ის  თანამშრომლობს  ახალგაზრდულ და ჰუმანიტარულ ორგანიზაციებთან.

ქალბატონი ელია ზაქარია არის ცნობილი მსახიობი და მოდელი. ის უძველესი ალბანური ოჯახის შვილია. მისი წინაპარი იბრძოდა ალბანეთის ეროვნული გმირის, სკანდერბეგის მხარდამხარ ოსმალეთის  იმპერიის წინააღმდეგ,  მე-15 საუკუნეში .

 ელია სამსახიობო და მუსიკალურ ხელოვნებას  დაეუფლა  პარიზისა და იორდანიის უნივერსიტეტებში. თავის საქმიანობაში მას არაერთი პრიზი აქვს მიღებული. ეს იქნება პირველი ქორწილი ალბანეთის სამეფო ოჯახში, როდესაც დედოფალი ალბანეთის მკვიდრია.