რამდენიმე ხნის წინ ბუკინგემის სასახლემ უკრაინელი დეპუტატის, ლიაშკოსაგან ამანათით მიიღო კარტოფილი და ბარათი, რომელშიც ის თხოვდა დედოფალ ელისაბედს, მიერთმია უკრაინული კარტოფილი, შეეფასებინა მისი ხარისხი და დაეცვა უკრაინელი გლეხი. 

ლიაშკოს სიტყვებით, მისი უდიდებულესობის სუფრაზე მხოლოდ კვიპროსის კარტოფილს მიირთმევენ, მაშინ, როდესაც ჩერნიგოველ გლეხს არ შეუძლია გაყიდოს თავის შავმიწანიადაგზე მოყვანილი კარტოფილი კილოში 30 კაპიკადაც კი.

დიდი ბრიტანეთის დედოფლის სახელით დეპუტატმა მიიღო პასუხი.

უკრაინელი დეპუტატისადმი გაგზავნილ საპასუხო წერილში ბუკინგემის სასახლის  უფროსი იფიცრის მოადგილე კორესპონდენციათა პასუხებზე, ჯენი ვაინი მადლობას უხდის მას კარტოფილისთვის და აღნიშნავს, რომ ამ საკითხის მოგვარება  ელისაბედ II-ს არ ხელეწიფება:   „ჩვენ ყურადღებით შევისწავლეთ თქვენი შენიშვნები, მაგრამ მე ვფიქრობ,  თქვენ უნდა გაგვიგოთ,  რომ ჩვენი დედოფალი ვერაფრით ვერ ჩაერევა სუვერენული ქვეყნის საქმეებში“.  ამავე დროს, წერილში აღნიშნულია, რომ ლიაშკოს ინფორმაცია დედოფლის მაგიდისთვის მისართმევ კარტოფილის მწარმოებელ ერთადერთ ქვეყანაზე არის მცდარი.

დეპუტატმა დაასკვნა, რომ დედოფლის ოფისის წარმომადგენლებს არ უჩვენებიათ მისთვის წერილი და კარტოფილი: „სამწუხაროა, რომ მის უდიდებულესობა ელისაბედ II-ს არ გაუსინჯავს  ჩვენი ეკოლოგიურად სუფთა კარტოფილი; რა გაეწყობა, მოგვიწევს უკრაინული სოფლის დაცვა საერთაშორისო მხარდაჭერის გარეშე!“