კამბოჯის ყოფილი მეფე ნოროდომ სიანუკი 90 წლის ასაკში გარდაიცვალა პეკინში,სადაც სამკურნალოდ იმყოფებოდა. მთელი კვირა - 17-დან 23 ოქტომბრამდე გლოვა იყო კამბოჯაში გამოცხადებული.  ქვეყანაში დაუშვეს ეროვნული დროშები.  გარდაცვლილი მეფისათვის ლოცულობდნენ  როგორც რიგითი მოქალაქენი, ისე -  ბუდისტი ბერები. მრავალი კამბოჯელი შეძრა  ნოროდომ სიანუკის  სიკვდილმა, რომელსაც აქ „მეფე-მამას“
 უწოდებდნენ. ის წარმოუდგენელი პოპულარობით სარგებლობდა თანამემამულეთა შორის. სიანუკი ითვლება კამბოჯის დამოუკიდებლობის სიმბოლოდ, რომელიც ქვეყანას მოუპოვა საფრანგეთისაგან 1953 წელს. სიანუკი  მცდელობდა დამოუკიდებლობის მოპოვებას მთელი ინდოჩინეთისთვისაც.

ნოროდომ სიანუკის უწოდებდნენ მსოფლიო რეკორდსმენს მონარქთა შორის ტახტზე ყოფნის ხანგრძლივობის მიხედვით - ის კამბოჯის ტახტზე ავიდა 1941 წელს და წყვეტილი შუალედებით ეკავა ტახტი 2004 წლამდე, ხოლო შემდეგ ტახტი გადაულოცა უმცროს შვილს, ნოროდომ სიამონის.  დიდი ხნის მანძილზე იყო ქვეყნის პრემიერ-მინისტრი -  ავტორია რიგი პოლიტიკური და ეკონომიკური რეფორმებისა. ყოფილი მონარქი თვით სიჭარმაგეშიც აქტიურ საქმიანობას განაგრძობდა  - 82 წლის ასაკში გახსნა ინტერნეტში საკუთარი ბლოგი.

სიანუკის დაკრძალავენ მხოლოდ 3 თვის შემდეგ, მანამდე კი ყველა თანამემამულეს ექნება  მასთან გამოთხოვების საშუალება.

„მისი გარდაცვალება უდიდესი დანაკარგია კამბოჯისათვის. სიანუკიმ მთელი თავისი ცხოვრება შეალია ერის კეთილდღეობას, კამბოჯის მოსახლეობაზე ზრუნვას“ - აღნიშნა სამეფო ოჯახის წევრმა პრინცმა სისოვათ თომიკომ.