|
გიორგი თევზაძე (სამეფო კლუბის იურიდიული კოლეგიის ხელმძღვანელი):კონსტიტუციაში უცხოელებზე მიწის გასხვისების აკრძალვის ჩანაწერის დაფიქსირება აუცილებელია
საქართველოს პრეზიდენტი კამპანიის „კონსტიტუცია ყველასია“ ფარგლებში არასამთავროების წარმომადგენლებს შეხვდა.
გიორგი მარგველაშვილმა შეხვედრაზე დამსწრე საზოგადოებას კონსტიტუციის ახალი პროექტით გათვალისწინებულ ცვლილებებზე საკუთარი შეხედულებები გააცნო, მათი მოსაზრებები მოისმინა და დასმულ შეკითხვებს უპასუხა.
კონსტიტუციის განხილვის ფარგლებში საქართველოს პრეზიდენტთან შეხვედრისას უფლებადამცველმა, სამეფო კლუბის იურიდიული კოლეგიის ხელმძღვანელმა - გიორგი თევზაძემ ისაუბრა საქართველოს კონსტიტუციაში შესატანი უცხოელებზე მიწის გასხვისების აკრძალვის აუცილებლობის შესახებ. გიორგი თევზაძემ პრეზიდენტთან საუბრისას საქართველოს კონსტიტუციაში უცხო ქვეყნის მოქალაქეებზე და უცხო ქვეყნის წარმომადგენელთა მიერ საქართველოში დაფუძნებულ კომერციულ კომპანიებზე, თუ ბანკებზე მიწის გასხვისების აკძალვის ჩანაწერის აუცილებლობის დაფიქსირების შესახებ გაამახვილა ყურადღება.
გიორგი თევზაძის განცხადებით, თუ საქართველოს ხელისუფლება და საპარლამენტო უმრავლესობა მხარს არ დაუჭერს საქართველოს კონსტიტუციაში უცხოელებზე მიწის გასხვისების აკრძალვის ჩანაწერის დაფიქსირებას.ასეთ შემთხვევაში მომავალში შესაძლებელია საქართველოში მოსახლეობის მძიმე ეკონომიური მდგომარეობის გათვალისწინებით, ქართული მიწის უმეტესი ნაწილის მესაკუთრე აღმოჩნდეს უცხო ქვეყნის მოქალაქეები და საქართველოში დაფუძნებული იურიდული პირები და ბანკები ხოლო ქართველი მოსახლეობის მნიშვნელოვანი ნაწილი დარჩეს მიწის საკუთრებისა და სარგებლობის გარეშე.
ეთერ ბალაძე
http://geomediapress.ge/გიორგი-თევზაძე-კონსტიტუ/ |
|
