XVI საუკუნეში  იტალიაში მოღვაწეობდა  მხატვარი ჯუზეპე არჩიმბოლდო.  თანამემამულენი აღფრთოვანებულნი იყვნენ არჩიმბოლდოს ორიგინალური ქმნილებებით ცოცხალი  ხილისგან,  ბოსტნეულისგან და  ყვავილებისაგან. განსაკუთრებით ცნობილია მისი ნამუშევარი „ვერტუმნი“ - იმპერატორ რუდოლფ II-ის პორტრეტი  წელიწადის დროთა და მცენარეთა ღმერთის გამოსახულებით.

არჩიმბოლდო ბუნების ნობათით ქმნიდა რეალურ  პორტრეტებს და შემდეგ გადაჰქონდა ტილოზე. თანამედროვე ამერიკელი ფოტოგრაფი კლაუს ენრიკესი კი იგივეს აკეთებს, ოღონდ ტილოზე გადატანის ნაცვლად მყისიერად აფიქსირებს თავის ნამუშევრებს ფოტოაპარატით.

მისი შემოქმედება   მხატვრის ნამუშევრების ერთგვარი „რემეიკია“. სხვა ნაწარმოებებს შორის, ცხადია მას საკუთარი ინტერპრეტაციით აქვს შესრულებული იმპერატორ რუდოლფ II-ის პორტრეტიც, რომლის გარდაცვალებიდან წელს შესრულდა ზუსტად 400 წელი.  

ჩვენს დრომდე მოღწეულია ჰანს ფონ ააჰენის მიერ კლასიკურ სტილში შესრულებული რუდოლფ II-ის პორტრეტი, რომლის მეოხებითაც შეგვიძლია ვიმსჯელოთ არჩიმბოლდოს და ენრიკესის შემოქმედებით ფანტაზიაზე.