მას შემდეგ რაც საქართველოში მონარქიის დაბრუნებაზე დაიწყო საუბარი ხალხის აზრი ორად გაიყო. მომხრეებად და მოწინააღმდეგებად.

მათ ვისაც არ მოსწონს მონარქიის დაბრუნების იდეა ერთ-ერთ არგუმენტად ის მოყავთ, რომ თურმე სახელმწიფოს ძვირი დაუჯდება სამეფო ოჯახის შენახვა.

ამის საპასუხოდ უკვე ბევრი დაიწერა .

 კვლევების თანახმად  მონარქია  არა თუ აზარალებს, არამედ პირიქით ეკონომიკურ სარგებელსაც მოუტანს ქვეყანას.

ბრიტანეთში დღე-დღეზე სამეფო ოჯახის ახალ წევრს ელოდებიან. ამის შესახებ პრესაში უკვე წერენ, რომ ეკონომისტების გათვლით პრინცი უილიამისა და პრინცესა ქეითის მეორე შვილის დაბადება ბრიტანეთის ეკონომიკას არანაკლებ 1,5 მილიარდ დოლარის მოგებას მოუტანს .

ექსპერტების შეფასებით  მხოლოდ ამ დღის აღსანიშნავად გამოშვებული სუვენირები და ტურისტების შემოდინება შემატებს დიდი ბრიტანეთის ეკონომიკას 150 მილიონ დოლარს.

სამეფო ოჯახის წევრების არჩევანი საგრძნობლად აისახება ბრიტანეთის ბაზარზე.

მაგალითად ქეითის პირველი ორსულობის დროს, მისი საყვარელი ორსული ქალების ტანსაცმლის ბრენდის ფასი 7,89 მილიონი დოლარიდან 16,85 მილიონ დოლარამდე გაიზარდა.