ბრიტანელმა პრინცმა ჰარიმ, რომელიც ავღანეთში სამხედრო-საჰაერო ძალების შემადგენლობაში იმყოფება და დანიშნულია მეორე პილოტად ვერტმფრენ „Apache“-ის ეკიპაჟში, უკანასკნელი ოთხი კვირის განმავლობაში არაერთხელ მიიღო მოინაწილეობა საბრძოლო გაფრენებში.

ერთ-ერთი ასეთი გაფრენის დროს იგი იძულებული გახდა  ჰაერიდან დაეცვა სხვა ვერტმფრენი, რომელიც დაეშვა მძიმედ დაჭრილი ჯარისკაცის გამოსაყვანად. „პრინცი არ შეუშინდა ხიფათს და  სიცოცხლის რისკის ფასად შეასრულა საბრძოლო დავალება - წერს „The Sun“ – „მას ჭეშმარიტად უყვარს  ჯარი და საკუთარი ქვეყანა“.

„ კიდევ თუ მოუბრუნდება ვინმეს ენა და იტყვის, რომ ჰარი ავღანეთში პრივილეგირებულ მდგომარეობაში ჰყავთ“ - წერს  გაზეთი - „ასეთ შემთხვევაში ის ხომ ვერ მოიპოვებდა იმ პატივისცემას, რომლითაც სარგებლობს მეგობრებში...ეს თამაში არ არის - პრინცი სინამდვილეში იბრძვის ამ საშინელი ომის მოწინავე ხაზზე!“

აქ გასათვალისწინებელია ის გარემოებაც, რომ თალიბები საგანგებოდ არიან  დამუქრებულნი: „ჩვენ ყველაფერს გავაკეთებთ პრინც ჰარის მოსაკლავად. ჩვენ არ ვაპირებთ მის მოტაცებას, ის ჩვენი სამიზნეა და ჩვენ მას მოვკლავთ!“