ბრიტანეთის პრინცესა ქეთრინის საყვარელმა დიზაინერმა - სარა ბერტონმა, რომელმაც 2011 წელს  მას საქორწინო კაბა შეუკერა, დაამტკიცა, რომ ტყუილად არა აქვს დედოფლებისა დ ჰოლივუდის ვარსკვლავების თერძის პატივი.  

მისი ახალი საგაზაფხულო კოლექცია, რომელიც მან პარიზში, „ალექსანდრე მაკკუინის“ მოდების სახლში წარმოადგინა, თითქოს სპეციალურად სამეფო ოჯახისათვის იყო შექმნილი -  თუმცა მოდელის სახე ადგილ-ადგილ ისტორიულად-ნოსტალგიური და რიგ შემთხვევებში, პირიქით - ფუტურისტულიც კი იყო.

აღსანიშნავია, რომ თავისი ახალი კოლექციისთვის ბერტონმა შთაგონების უჩვეულო წყაროს მიმართა. მისი ახალი ნამუშევრები დაკავშირებული იყო ფუტკრების სამყაროსთან -  დაწყებული სტილიზებული მეფუტკრის ქუდებით და დამთავრებული ქსოვილით, რომელიც სტრუქტურით ფიჭის ასოციაციას იწვევდა. ფუტკრისეული გამა შენარჩუნებული იყო  შავი და ოქროსფერი ქსოვილის ხშირი კომბინირებითაც.

სურათებზე წარმოდგენილია  ბერტონის ბოლო კოლექციის მოდელები  და დედოფლის საქორწინო კაბა , რომელიც მან ქეთრინს შეუკერა 2011 წელს.