ოირდანიის მეფე აბდულა II-მ გააკეთა ოფიციალური განცხადება, რომ დაიცავს მის ქვეშევრდომ ქრისტიანებს ტერორისაგან. მეფე თვლის, რომ ქრისტიანებმა ახლო აღმოსავლეთში აუცილებლად უნდა იცხოვრონ უსაფრთხო გარემოში. სწორედ ამიტომაც აიღო მან ეს პასუხისმგებლობა საკუთარ თავზე, წერს ბერძნული მართლმადიდებული ინტერნეტ გამოცემა Romfea.gr იერუსალიმის ლათინთა პატრიარქმა ფუად თუალმა აბდულა მე II-ის განცხადების კომნტირებისას განაცხადა „მიუხედავად დიდი წინააღმდეგობებისა და იორდანიაში არსებული უამრავი პრობლემისა სახელმწიფოს მეთაურმა მიიღო ასეთი რთული გადაწყვეტილება. მეფის ეს განცხადება დიდი შვება იყო ყველა ქრისტიანისთვის . თუმცა, დასძინა მან, იორდანია ყოველთვის იყო ის ქვეყანა, რომელიც დახმარების ხელს უწვდიდა გასაჭირში მყოფ ყველა ეროვნების ადამიანს.“ იორდანია პატრიარქის სამშობლოა, ის წარმოშობით იორდანიის ქალაქ მადაბადან არის.. | 
