|
გაზეთი „აშ-შარკ ალ-ავსატი“ გვაუწყებს,
რომ საუდის არაბეთის მეფის, აბდულას (აბდულაჰ ბინ
აბდულ აზიზი), განკარგულებით სახელმწიფოს
150 წევრიან უმაღლეს საკონსულტაციო საბჭოში 30
ქალი დაიშვება.
არაბეთის უმაღლესი საკონსულტაციო
საბჭო, რომელსაც მეჯლის აშ-შურას უწოდებენ, 1992 წლიდან
არსებობს. მეჯლის აშ-შურა წარმოადგენს
სახელმწიფო სათათბიროს, რომლის
კანდიდატებსაც თავად არჩევს თვით
საუდის არაბეთის მონარქი. აქამდე მის წევრებად მხოლოდ
მამაკაცები ინიშნებოდნენ, ოთხი წლის ვადით.
გამოცხადებულია, რომ პრეტენდენტმა
ქალბატონებმა უნდა დააკმაყოფილონ მთელი რიგი
მოთხოვნები. მეჯლის აშ-შურას წევრობის
უფლება მხოლოდ 30 წელს მიღწეულ ქალბატონებს
ექნებათ, ისინი თავიანთ პროფესიულ
სფეროში მაღალკვალიფიციურობით უნდა გამოირჩეოდნენ. | 
