როგორც ცნობილია, პრინცმა ჰარიმ მონაწილეობა მიიღო ექსპედიციაში სამხრეთ პოლუსზე, საქველმოქმედო სამხედრო ფონდ ” Walking With The Wounded”-ისთვის სახსრების შესაგროვებლად იმ  დაჭრილი ჯარისკაცების დასახმარებლად, რომლებიც ცდილობენ კარიერის შექმნას საქმიანობის ახალ სფეროში.

პრინცი 2013 წლის დეკემბრის დასაწყისში გაემგზავრა ორკვირიან მოგზაურობაში, ხოლო გასული კვირის ბოლოს ლონდონში ჩატარდა ამ მოვლენისადმი მიძღვნილი პრეს-კონფერენცია: ექსპედიციის მონაწილეებთან საუბარში გაირკვა ბევრი საინტერესო საკითხი:

ამ ლაშქრობაში მონაწილე მსახიობ დომინიკ უესტის სიტყვებით, ჰარი იქ იყო კომპანიის სული და გული,  რომელიც იოლად პოულობდა საერთო ენას ჰუმანიტარული ექსპედიციის ყველა მონაწილესთან:

”შესანიშნავია, - თქვა მან - რომ ჰარი  ჩვენი გუნდის წევრი გახდა; პრინცი მეტად მხიარული ადამიანი აღმოჩნდა. ის ძალიან ბევრს ხუმრობდა და საველე ტუალეტების აგების დროსაც კი  იუმორით გამოირჩეოდა.

გაირკვა, რომ ის სპეციალიზდება ტუალეტების მშენებლობაში -  ჰარი ქმნიდა წარმოუდგენლად რთულ კონსტრუქციებს: ერთი მათგანი, მაგალითად, იყო დაკბილული კედლებითა და ფლაგშტოკით და მასზე თავსდებოდა თვით ტუალეტის ქაღალდის დამჭერი - აი, თქვენ ზიხართ ასეთ ტუალეტში და ფიქრობთ - ეს არის ნამდვილი სამეფო ტახტი!

პრინცმა დახარჯა 40 წუთზე არანაკლები, რათა დაესრულებინა თავისი შემოქმედება, რომელიც სათანადოდ შეაფასა აქციის ყველა მონაწილემ.

მაგრამ ამ საკმაოდ რთული მოგზაურობის დროს ჰარი არათუ მხოლოდ ხალისობდა და აცინებდა გარემომცველ ადამიანებს; როდესაც საქმე ეხებოდა სერიოზულ სიტუაციებს, ბრიტანეთის დედოფლის შვილიშვილი ავლენდა თავს ნამდვილ მამაკაცად.

როდესაც მე მქონდა პრობლემა თხილამურებთან დაკავშირებით, ის იყო პირველთაგანი, ვინც მზად აღმოჩნდა, დამხმარებოდა. მე მაშინვე ვიფიქრე, რომ ის შესანიშნავი ბიჭია!”