მიმდინარე კვირაში გაიმართა გაზეთ ”News of the World”-ის რეპორტიორთა - კლაივ გუდმანის და ენდი კოულსონის სასამართლო. ისინი ბრალდებულნი არიან სამეფო ოჯახისადმი უკანონო თვალთვალში. სხდომის მიმდინარეობისას მოსამართლემ პირად ცხოვრებაში ჩარევის მტკიცებულების სახით წაიკითხა წერილი, სადაც ერთი ჟურნალისტთაგანი ჰყვება სამეფო კარის მცველთა მიერ მონარქისტული მაგიდიდან სასუსნავების აწაპვნის ჩვეულების შესახებ.

ელისაბედ II  განრისხებულა იმ მიზეზით, რომ პოლიციელები ჰპარავდნენ მას სპეციალურად მისთვის ბუკინგემის სასახლის დერეფნებში ჩარიგებული პატარა ფინჯნებიდან მათ  შიგთავსს - თხილსა და სხვა სახის სასუსნავებს. ამ საქციელს იმდენად გამოუყვანია დედოფალი მწყობრიდან, რომ მან დაიწყო ფინჯნების მონიშვნა, რათა გამოევლინა, რამდენად დაიწია დაბლა სასუსნავების დონემ.

სამეფო სახლის ადმინისტრაციამ ოფიციალურად სთხოვა დაცვის თანამშრომლებს, არ ამოიღონ ფინჯნიდან სასუსნავები.

კარის ყველა პოლიციელს ურიგდება შინაგანაწესი,  სადაც მათ მიუთითებენ, არ ჩაჰყონ თავიანთი ჭუჭყიანი თითები ფინჯნებში.

მსჯავრის საჯაროდ გამოტანისას მოსამართლე იან ედმონდსმა, საყოველთაო სიცილ-ხარხარში აღნიშნა, რომ ”დაცვის მიმართ წარმოდგენილი ბრალდება არ დასტურდება”. რეპორტიორების სასამართლო კი გრძელდება.