გუშინ, პარასკევ საღამოს ჰერცოგინია ქეთრინმა მოინახულა ბავშვთა ჰოსპისი ” Shooting Star”-ი ჰემპტონში, ლონდონის სიახლოვეს. ვიზიტის ფარგლებში მას კონტაქტი ჰქონდა დაწესებულების  თანამშრომლებთან, ბავშვებთან და მათ ოჯახებთან.

31 წლის ქეთრინს საკუთარი პატრონაჟის ქვეშ ჰყავს ბავშვთა ჰოსპისების ასოციაცია ” East Anglia Children's Hospices (EACH)” და აქტიურად ეხმარება იმ დაწესებულებებს, რომლებიც ეწევიან პალიატიურ დახმარებებს: ცდილობენ იმ  პაციენტების და მათი ოჯახების ცხოვრების პირობების გაუმჯობესებას, რომელთაც დაუდგინდათ განუკურნებელი დაავადება. ამ, საქმეში მთავარი მიზანია - ფიზიკური ტკივილებისა და ფსიქიკური შეჭირვების შემსუბუქება და ფსიქოლოგიური დახმარების გაწევა.

ჯერ კიდევ გასულ წელს, ჰოსპისების კვირეულის დროს ქეთრინმა აღნიშნა:

ბავშვთა ჰოსპისებს გადაურჩენიათ არაერთი ოჯახი მათთვის უმძიმეს პერიოდებში; დახმარება, რომელსაც ისინი სწევენ, სასიცოცხლოდ მნიშვნელოვანია.

ეჰრცოგინიამ დაათვალიერა მთელი კომპლექსი, დაესწრო მუსიკალური თერაპიის სეანსს, შეხვდა ვოლონტიორებს და მიირთვა ჩაი ბავშვებთან და მათ ნათესავებთან ერთად.

ამას გარდა, ქეთრინი საგანგებოდ შეხვდა მშობლებს, რომელთა შვილები გარდაიცვალნენ სპინალური კუნთოვანი ატროფიისაგან - ერთი წლის გოგონა აღესრულა ჰერცოგინიას სტუმრობამდე სამი დღით ადრე, ხოლო 5 წლის ვაჟი - 7 კვირის წინ. ოჯახი იმყოფება ჰოსპისის ეგრეთ წოდებულ ”სიმშვიდის ნომერში”, რომელიც განკუთვნილია მგლოვაარედ მყოფი ნათესავებისათვის.