19 ნოემბერს მონაკოში აღინიშნება სახელმწიფოს ეროვნული დღესასწაული, როგორც მას კიდევ სხვანაირად უწოდებენ - მთავრის დღე. დილა იწყება სადღესასწაულო მესით მონეგასკურ ენაზე საკათედრო ტაძარში, ხოლო შემდეგ გრძელდება გვარდიელთა მსვლელობით. საზეიმო თავყრილობა მთავრდება ფანტასტიკური ფეიერვერკით.

ტრადიციულად დღესასწაულში მონაწილეობენ არა მარტო მთავარი, არამედ - მთელი მისი ოჯახი - დილიდან საღამომდე ისინი ჩაბმულნი არიან ოფიციალურ ღონისძიებებში.

ეს წელიც არ იყო გამონაკლისი - დედოფალი შარლენი მეუღელესთან, მთავარ ალბერთან და ნათესავებთან ერთად მონაწილეობდნენ ზეიმში.

უნდა აღინიშნოს, რომ თავიანთ ეროვნულ დღეს მონაკოში ადგილობრივი მცხოვრებნი აღნიშნავენ სახელმწიფო დროშისფერი ტანსაცმლით - წითელითა და თეთრით; თუმცა შარლენმა ამ მოვლენის აღსანიშნავად აირჩია მკაცრი და ელეგანტური სამოსი: ის ხალხში გამოჩნდა მუქ ლურჯ პალტოში და იმავე ფერის შლაპაში გამოწყობილი.